डोगरी (𑠖𑠵𑠌𑠤𑠮) एगो उत्तरी हिन्द-आर्यभाषा हे जे भारतमे मुख्यरूपसे जम्मू आउ कश्मीरके जम्मू क्षेत्रमे लगभग ५० लाख लोगद्वारा बोलल जाहे । ई पच्छिमी हिमाचलप्रदेस आउ उत्तरी पञ्जाबके आसपासके क्षेत्रोमे बोलल जाहे । ई पाकिस्थानी पञ्जाबके उत्तर-पूरबी भागोमे बोलल जाहे जने एकरा पञ्जाबी बोलीके रूपमे बर्गीकृत कैल जाहे । ई डोगराके जातीयभाषा हे, आउ डुग्गरके इतिहासिक क्षेत्रमे बोलल जाहे । डोगरी पच्छिमी पहाड़ीभाषा समूहके सदस्स हे । हिन्द-यूरोपीयभाषामे असामान्न, डोगरी तानवाला हे, एगो बिसेसता जे ई अन्य पच्छिमी पहाड़ीभाषा आउ पञ्जाबीके साथे साझा करहे । एकरे ढेर प्रकार हे, सबमे ८०% से बेसी शाब्दिक समानता (जम्मू आउ कस्मीरके भीतरे) हे ।
डोगरी भारतके २२ अधिकारिकभाषामे से एक हे । एकरा २००३ मे संबिधानके ८मा अनुसूचीमे जोड़ल गेलहल । ई जम्मू आउ कस्मीर केन्द्रसासितप्रदेसके ५ अधिकारिकभाषामे से एक हे ।