| محمد طاہر شادان | |
| |
| تعلق: | پوچنگ،کھوت، تورکھو،ضلع چترال، پاکستان |
| آژیکو تاریخ : | 05، مارچ 1981 |
| کھسپ : | شاعر، صحافی |
| تخلص: | شادان |
| صنف: | شاعری وا نثر نگاری |
| برقی رابطہ: | thirshadan@yahoo.com |
طاہرالدین شادان نوجوان کھوار شاعر وا ادیب آسور۔ ھو تعلق پاکستانو صوبہ خیبر پختونخو ضلع چترالو تحصیل تورکھو بنیادی سہولتاری محروم ای دیہہ کھوتو سوم شیر ، وا ھیس چترال وژن اخبارا کالم دی نیویشیران وا ھنیسے سعودی عربہ ا مقیم آسور-
سوانحی خاکہ edit
شادان تان ادبی سفرو سکولا اوشٹہ اسیکہ شروع کوری اسور وا ای شاعر حیثیتہ تان سفرو شروع کوری اسکولا میٹرک کوریکا اچی سبقو بچین کراچیوتے بغائے کراچیہ تعلیمی مصروفیات وجھین دیتی جو تروئے سال ادبی دنیار دودیری بہچیکار اچی سن دو ہزار ایکہ دوبارہ ادبو میدانہ قدم لاکھیتائے مگر کراچیو غون مصروف شہراھل بیتی کیہ خاص سرگرمیو سورا کوروم کوریکو نو بیتائے سن دو ہزار پانجو شروعا باقاعدہ ادبی پروکراماتہ حصہ گانک شروع اریر ہے موژی پھوک وختہ اچہ ماہنامہ شندور اوچے چترال وژنوتے دی کلام نیوشیتائے کراچیہ رحمت عزیز چترالی اوچے حمید الرحمانو سوم بیتی چھترارو مقامی اخبار چترال وژنہ دی کوروم کوری اسور سن دو ہزار ساتہ شادان کھوار نثرو بغائے وا کھوار نثرا مختلف رسالانتے کھوار مضمون نیویشک شروع اریر ذاتی مصروفیاتن وجھین دیتی بو زیاد ہے رسالن سوم رابطہ لاکھیکو نو بیتائے۔مگر کھوار نثر نگاریو بچین کھوشش شروع اریر دو ہزار آٹھ اوچے دو ہزار نو و موژی دوبارہ ادبی دنیو پیچھیتائے وا دو ہزار دسو شروعا سعودی عربہ بی اچی ادبو ووشکی ہائے وا ہیغار اچی کھوار ادبو بچین باقاعدہ کوروم شروع اریر سوشل میڈیا کھوار ادبو اویلو گروپ کھوار قلم قبیلو سار اچی جو گروپ (کھوارو نامور شعرا) نامین شروع اریر وا چھترارو سوشل میڈیا اسک شعران جمع کوری کھوار ادبو ترقیو بچین کوروم کوریکا پرائے۔ سن دو ہزار دسی تان سوشل میڈیا اویلو دفعہ آن لائن کھوار مشاعرہ کھوارو نامور شعر نامین گروپہ کوری ای نوغ سلسلو آغاز اریر۔ شعرو شاعریہ کھوار ادب عروجہ توریکو شادان کھوار نثرو بچین دوبارہ منظم کھوشش شروع کوریتائے مگر کھوار نثرا نیویشرو تان مضمونن اوچے افسانن کیہ رسالانتے چھاپ کوریکو بچین نو پرائی سن دو ہزار چودو شروعا شادان تان کھوار افسانن سوشل میڈیا انگیتی چھترارو نوجوانن کھوار نثرو ووشکی متوجہ کوریک شروع اریر وا بو کم وختہ نوجوانن موژا کھوار نثر ریکو شوقو پیدا کوریکا کامیاب ہوئے سوشل میڈیا کھوار نثرو اویلو پیچ (کھوار نثری ادب) ساوزیے تان افسانن ہے پیچہ پوسٹ کوریک شروع اریر شادانو اویلو ناول( پیچھی بوغاک) سوشل میڈیا بو شہرت حاصل اریر وا تا حال ہے ناول جاری شیر۔شادان کھوار نثرو میدانہ کامیاب سفرو جاری لاکھی اسور وا کھوار زبانا اویلو ناولوتے کتابی شکل دیکو بچین کوروم کورویان عنقریب کھوار زبانا اویلو ناول کتابی شکلہ شادانو ہوستہ نیویشونو بیتی مارکیٹہ گوئے۔ سوشل میڈیا کھوار شعران مشہور گروپ (کھوار اہل قلمو) دی کامیاب کوریکو بچین مسرت بیگ مسرت اوچے اقرار الدین خسرو فرمائشو سورا ہتیتان سوم بیتی گروپو ایڈمن حیثیتہ خدمات سر انجام دویان۔وا کھوار اہل تنظیمو مرکزی کابینو مستقل ممبر حیثیتہ دی تان خدمات جاری لاکھی اسور۔کھوار اہل قلمو مرکزی لوٹھورانن حکمو سورا شادان اوسیز کھوار اہل قلم تنطیمو صدر منتخب بیتی بیرون ملکہ کھوار ادبو اویلو تنظیمو بنیادو لاکھی اسور وا تاحال ہے تیمظیمو صدر حیثیتہ تان خدماتن انجام دویان۔۔ شادان کھوار زبانہ شاعری اوچے نثر نگاری وا افسانہ نگاریو سوم جوستہ جوستہ چھترارو مختلف مسائل بارا مقامی اخباراتن تے مظمون دی نیویشران چترال ٹائم،چترال وژن۔ نوائے چترال، چترال پوسٹ، ماہنامہ شندور وا احتساب ڈاٹ کامہ شادانو بو زیاد مضامین شائع بیتی شینی شادان کھوار ادبو سوم جوستہ تان صحافتی ذمہ داریان دی بو شئیلی کوری انجام دیتی انگویان-
شاعری edit
| ” | رخسار گلابی تہ مجبور کویان شاعرو
خیالان صحفہ ہسے سوزیران تہ تصویرو دونی مخمور غیچھانتے ٹومبوکیو غون شونانتے ہردیو لئیو سورا شروع کویان تحریرو ای جو لفظان نیویشی حیران بیتی لاڑیران ای نظر تہ صورتو ای نظر نیویشیرو نرم و نازک گیسوان تعریف کھیو بوئے الفاظا تہ زلف پریشان بس شکست دونیان شپ گیرو وا کھیو سوم دوم مثال تہ تو تان متے لو دیت وا نو لیتام یہ جہانا تہ حسنو کیہ نظیرو خلوص کی ہوئے الفتہ امکان نو بوئے فراقو چھینیر ظلمو جینجیران بدل کوروئے تقدیرو اگر کی مہ ماریسان چت یی لوڑی ہوسے نا کافی تہ ای اشارہ حاجت نیکی شمشیرو سائل کی ہائے دواختہ تو پازہ نو زوقھیلی توکار کورے سوالو ضرور ہتے فقیرو بہچور وا کیاغ شادانو ہتے وخت یہ جہانا رقیب گیتی مالک کی ہوئے تہ حسنو یہ جاگیرو |
“ |
کھوار آرٹیکل edit
- محمد طاہر شادانو مزید کھوار آرٹیکلان، افسانان، انشائیان اوچے کھوار کالمان لوڑیکو بچے موڑا کلک کورور۔
