جاوید حیات کاکاخیل کھوار زبانو ای نویوکو نام شیر۔ ہس بو څیقیاری کھوار زبانو بچین نیوشیکو سلسلو جاری ساتی اسور۔ ہنیسے دی انجمن ترقی کھوار بچین کوروم کواو زبانو سم تان محبتو جاری لاکھی اسور
| جاوید حیات کاکاخیل | |
|---|---|
| Native name | جاوید حیات |
| Born |
11 فروری 1958 گولاغموڑی، پھنڈر، ضلع غذر، گلگت بلتستان پاکستان |
| Signature |
 |
سوانحی خاکہ
editجاوید حیات کاکاخیل ۱۱ نومبر ۱۹۵۸ عیسویہ گلگت بلتستانو ضلع غذرو ای شیلی دیہ گولاغموڑیا پیدا ہوئے۔ ابتدائی تعلیمو تان دیہو ای سکولا تان حاصل اریر و جام تعلیمو بچین گوپسو میتار راجہ حسین علی خان (مرحومو) دورا ہال بیتی اوشٹو پاس اریر۔ جوشو جماعتو ہس گلگتو ہائی سکول نمبر ۱، موجودہ سر سید سکولار حاصل اریر۔ پیشو بچین ہس استاذیو کھسپو گانتائے وا بیشیر جوش تروئے سال ہے پیشو سم منسلک بہچیکار اچی جنوری ۲۰۱۱ ریٹائر ہوئی۔ شاعریو ہس قومو مفادو، نوژوانن بہبودیو، ژورگینیانتے رول ماڈل بیکو ، معاشرتی ڈوک اوچے خامن ختم کوری ای شیلی ماحول ساوزیکو بچین استعمال اریر۔ سکولا سبق چھیچیکار علاوہ ہس مختلف سماجی کورمان موژی دی حصہ گناو اسور۔ ہو شاعیریو ای بو شہیلی مجموعہ گرزین دی منظر عام گیکو بش بتی شیر۔
مختصر تعارف
editجاوید حیات کاکاخیل صاحب کھوار ادب غذرو ای نویوکو نام۔ سرزمین چھترار غذرو کھوار خوش دراکان بچین جاوید حیات صاحبو نام کیہ تعریفو محتاج نو۔ ریڈیو پاکستان گلگت اوچے چھترارموصوفو کھوار کلام نشر بائو شینی۔ ہیہ لُو چانگیک نو کہ جاوید حیات صاحب تان طالب علمیو زماناری کھوار شاعری کورائو گیتی اسور۔ وا کھوار ادبو سُم بو زیاد دلچسپی لاکھویان۔ ہے بچین جاوید حیات صاحبو شخصیتہ نرمی اوچے حلیمی وا مہمان نوازی نویوکو شیر۔
کو نوبوئے۔ جاوید حیات صاحبو تعلق سرزمین غذرو ای شئیلیدیہہ گلاغمولیار شیر۔ گلاغمولیو سرزمیں کھوار خوش دراکان بچین بو زیاد اہمیتو حامل، کھیوتے کہ غذرو کھوار ادب اوچے شاعریو بو تاریخی کوروم ہیہ دیہہ غیچی گونیان۔
گرزین
editجاوید حیات کاکاخیلو شعر و شاعریو اویلو مجموعہ گرزین نامو سورا ۲۰۱۶ عیسویہ غیچھو پرشٹہ ہائی۔ ہیہ کتاب گلگت بلتستانہ کھوار زبان و ادبو کیہ دی اویلو کتاب کہ ہس کھوار خوش دراکان شرشتو کوریکہ ای انتہائی اہم کردار ادا اریر۔ گرزینو مسودہ کیہ وت کہ پروشٹہ ہائے تھے واضح ہوئی کہ کوہ غذرو ای نوجوان شاعرو کھوارو سُم کندوری دلچسپی شیر۔ “گرزین” نامو قولہ ادبی گمبوری ژال۔ ہے گرزینہ ہر قسمہ گمبوری شینی، ہر گبموریو تہنا شئیلی تنہا ووری وا تہنا چستی شیر۔ جاوید حیات کاکاخیل صاحبو شعری مجموعو لوڑی سریران کی ہورو شاعری بو منفرد، جذبات بو شئیلی، خیالات بو کوڑوم، احساساتن اوجوشوم، حمد باری تعالیٰ، نعت شریف، صوفیانہ کلام، دینی جذباتن غڑاچھون، نظم وطن پاکو محبتہ مڑاغ وا سماجی اوچے معاشرتی خیالتن نقشہ۔
موجودہ مادی و نفسا نفسیو دورا گرزین ای اہم اصلاحی وا تعمیری کھوشش شیر۔ شاعر نوجوان نسلو علم و عملو یراغاری تان سورو شئیلیئکو، وطنو سُم وفاداری اوچے عشقو عادتو حصہ ساوزیکو، چیچیقانتے اقبالو شاہین بیکو، ژورگینیانتے رول ماڈل بیکو وا سماجی اوچے معاشرتی ڈوکا ڈوکیان دیتی لشٹ کوریکو، ظلم اوچے نا انصافیان خلافہ محمل کھوشش کوریکو وا اتحاد اوچے اتفاقو مضبوط کوریکو سورا زور دویان۔
امید شیر کہ جاوید حیات کاکاخیل صاحبو گرزین نوغ نسلو بچین شرو گان ساوز بوئے۔ وا کھوارو ترقیو مشکاک ہر مسافر ہے گرزینہ گیتی دمہ نیزی تان سفرو جاری ساتیر۔
گرزین ہر کھوار کوراکو بچین انوازو گان و اہرو شری اوچے تازگی ہر ہردیو شرو کوئے۔ وا اُمید ہیہ دی شیر کی ہورو قلمو پُھور “گرزینو” پروشٹہ گیکار اچی چیق دی تُوکھونو بوئے۔
حیاتو آرزو
editجاوید حیات کاکاخیلو جوؤ کتاب حیاتو آرزو نامو سورا بو شاؤ غیچھو پروشٹہ گیکو بش شیر۔ ہیہ کتاب دی گرزینو چقہ حمد باری تعالی، نعت رسول مقبول، صوفیانہ کلام، منظومات، مرثیہ جات و غزلان غڑاڅھون۔ ہیہ کتابہ جاوید حیات کاکاخیل زیادہ تر صوفیانہ کلامن سورا ذور دیتی اسور وا راکانتے ہیہ لوؤ دیک مشکی اسور کہ دنیو کندوری دی کی خالو مزو کی لیتاؤ وا اخیر زارویہ توری دنیو اصلیت تہ پروشٹہ عیان بویان۔ وا ہے قسمہ صوفیانہ کلام حیاتو آرزوو شئیلی ساوؤزیکو چق بیتی شینی۔