| فدا علی آدف | |
| |
| آژیکو تاریخ: | 7 جولائی 1991 نوغورانٹیک، کھوت،تورکھو،چترال،پاکستان |
| پیشہ: | کھوار شاعر،ادیب |
| نمائندہ: | کھوار ویکیپیڈیا،عجمان دوبئی |
| شاعریو مجموعہ : | امیدو پلوٹی |
فدا علی آدف کھوار زبانو ای نوجوان شاعر وا انٹر نیٹا کوروم کوراک اسور، ھیہ کھوار ویکیپیڈیا نامین کھوارو ای آن لائن انسائکلوپیڈیا ایڈیٹنگ کورویان وا ھمو کھوار مجموعہ کلام امیدو پلوٹی نامو سورا عنقریب منظر عامہ گوئے-
نمونہ کلام
editکھوار غزل
ای پھت وفا کوری پیݰمان پھتیو جاگیر غیریتائے عشق
پولی قسمت بیکن دنیا تھروسکی تقدیر غیریتائے عشق
تو ھر ادا ماریکو چق غیژی غیچھان کھیو لوو دوم
ویریغ توتے ھردی مہ شیر کمانی تیر غیریتائے عشق
ھمیش ٹونگ ٹانگ مہ زندگی خالی گمانا ھوئے بسر
تاپھیے گومان تہ نسوتے متے تپ گیر غیریتائے عشق
نیشی مخامخ مس موخو کینہ دیدار آرینی روئے
مشقول نقشو سوم تان ھوتم خالی تصویر غیریتائے عشق
غیچھ پوشیکار بوغدوو غون دروݰکی کاسیران مہ الفت
دوݰو آژیرو محبت نون اکھابیر غیریتائے عشق
عزت اوشوئے ھیہ عشقو پروشٹو بوغدو رویان نیزدا
ھنون لوڑی کی انگومان کیچہ جزیز غیریتائے عشق
ھنون زمانا دی آدف تو بو سادائیا آسوس
ای ووݰکی ݯت لوڑے رویان پھنو لکیر غیریتائے عشق
