فرید احمد رضا Farid Ahmad Raza ݯھترارو نوجوان نیویشاک، مصنف،ماہر تعلیم، ماہر قانوں وا لسانی رضاکار آسور وا ہیس سہ ماہی کھوار نامو ایڈیٹر دی ،خور زباناری اشناریان کھوارا ترجمہ کوریک دی ہو خوش مشعلہ شیر۔ ہمونیہ پت انگریزی ناول "Rubinsn Crusoe"کھورا یو این چارٹرو انسانی حقوقو منشورو دی کھوارا ترجمہ کوری اسوار۔ څیڅیقان حقو بارا عالمی منشورو دی ترجمہ کوری اسور۔ فرید کھوارا کہانی وا افسانہ نیویشیکو سورا دی مشہور اسور۔ کھوار افسانان کتاب اورائے نامو سورا شائع بیتی شیرکھوار شیلوغان کتاب دی لوگ ورث اسلام آباداری ݮھاپ بیتی شیر۔ملٹی لینگویل ایجوکیشنو سورا دی ہو جم تحقیقی کوروم شینی۔
| فرید احمد رضا Farid Ahmad Raza | |
|---|---|
| آژیک |
8 February 1982 بونی، لوٹ دور،تحصیل مستوج، ضلع چترال،  پاکستان |
| ادبی نام | فرید |
| پیشہ | ماہر تعلیم، لکھاری، زبانو ماہر |
| ملک |
پاکستان |
| قومیت | چترالی |
| شہریت |
پاکستانی |
| تعلیم | ایل ایل بی |
| یونیورسٹی | جامعہ کراچی |
| سال | 1985 |
| اصناف | تحقیق،لسانیات، نصاب سازی، تت بپو وارا تعلیم |
| مضمون | زبان و ادب، لسانیات |
| نویوکو کوروم | مائیرو بانی، کھوار نامو ایڈیٹر |
| ایوارڈ و اعزازات | کمال فن بابائے کھوار محمد ناصرلملک |
| Website | |
| فرید احمد رضا | |
تعلیم وا پروفیشنل ڈگری
editفرید احمد بی اے ایل ایل بی کراچی یونیورسٹی،انٹروڈکشن ٹو لینگویسٹیک ماربرگ یونیورسٹی جرمنی، ڈپلومہ ان کلچر ڈاکومنینٹیش فورم فار لینگویج انشیٹیوز اسلام اباد، اڈینٹی ٹی بیسٹ کمیونٹی ڈویلپمنٹ پایاب یونیورسٹی تھالینڈ ایک سالا سرٹیفیکٹ کورس، ڈپلومہ ان ملٹی لینگویل ایجوکیشن فورم فار لینگویج انیشیٹیوز اسلام اباد،
کھوار نصاب
editکھوار زبانا نصاب ساوزیو کورمو احتتامو تاریک ہو ای لوٹ کردار شیر۔ ہیس ڈی سی ٹی ای سوم ای بیتی کوروم کوری کھوار نصاب سازیو کورمو انجاموتین تاریتائے وا ٹیکسٹ بک بورڈو وشکیار چھاپ بیرو کھوار قاعدو کتابو سوم ݮوستہ کھوارو،پونجو،چھویو،سوتو،وا اوشٹو کتابو مولف دی اسور۔ ہمی کتاب ہنیسے گورنمنٹ سکولا چھیچھونو دی بونیان تان ارگنازیشین مئیرو پلیٹ فارمو کھوارو بچین پری سکول ٹیکسٹ دی ساؤزیئے اسور۔ تجرباتی طورا ہیت بونی اوچے مستوجو پرائیوٹ سکولا چھیچھینو دی بونیان۔
تت بپو وارا تعلیم
editہیس مئیر نامین غیرسرکاری تنظیمو صدر دی اسور وا ھے تنظیمو پلیٹ فارمہ کھوارا تعلیمی نصاب ساوزیکا مصروف اسور۔چھترارو اندرینی کھوار زبانو نیویشیکو یعنی ارتھوگراپھیو صحیح کوریکہ ہو لوٹ کردار شیر۔ چھترارو اندرین خور زبانتے دی رسم الخط ساؤزیکو ہو اہم کردار شیر۔
کھوار نامہ
editفرید احمد کھوار زبانہ نثری مجلہ 'کھوار نامہو بانی وا چیف ایڈیٹرو حیثیتہ کوروم کورویان۔کھوار زبانو تاریخہ واحد نثری رسالا کی ہو جوش ݮھور شمارہ چھاپ بیتی شینی۔ ہیہ شمارہ افسانہ، کہانی، شیلوغ ژاغان بارا مضمون، لسانیتو سورا مضمون وا چھترار تو شیرو خور واران بارا دی مضمون شائع بونیان۔ کھوار زبانو نویوکو نیویشاک ہیہ رسالوتین مستقل نیویشاک اسونی۔ موجودہ دورا ہیہ کھوار زبانو واحد نمنائندہ رسالا شیر۔
کھوارو بارا مضمون
editفریداحمد رضا صاحبو بو زیات آرٹیکل اردو اوچے انگریزی زبانا چاپ بیتی شینی ۔ فریدو زبانو اوچے لسانیتاتہ عبور حاصل شیر۔ ہو ارٹیکل دی زبانو اوچے شقافتو وا مادری زبانو سورا تعلیم سوم متعلقہ شینی ۔ زبانو اوچے ثقافتو ای نویوکو نام شیر typology of Khowar language,Khowar calaner, کھوارو نییویشیکو بہتر کوریکو ضرورت، مہ کھوار صحیح وا خور دی کھوارو بارا بو نیویشیرو شینی۔