Ladislav Podmele (češ.: Ladislav Podmele; 1920–2000), znany pod psevdonimom Jiri Karen (češ.: Jiří Karen), byl češsky i esperantsky pisatelj, jedin iz tvoriteljev umětnogo jezyka mežduslavjanski jezik. Považeny člen Češskoj asociacije esperanta.
Podmele urodil se 11 junija 1920 goda v Litomyslu, Čehoslovakija. Pracoval kako pomočnik knigača, i v 20 lět počel učiti se v gimnaziumu v Hradcu Kralovem. Prěrval svoje studije v času Drugoj světovoj vojny, pozdněje stal izslany v Němciju na prinudženu pracu. Po vojně zakončil studije v historiji i filozofiji v Universitetu Karlovom v Pragě. Pracoval kako učitelj v zavodnoj školě v Ustjah nad Labem i Kladnu. Od 1954 goda on učil metodiku v učiteljskom institutu, a od 1961 goda rabotal v institutu v Pragě.
Od 1954 do 1958 goda Podmele rabotal s redom inyh jezykotvoriteljev nad projektom medžuslovjanskogo jezyka pod imenem mežduslavjanski jezik. Jezyk koristal gramatične i leksikalne osoblivosti raznyh slovjanskyh jezykov, glavno russkogo i češskogo, i byl naturalističnym planovym jezykom. Oni stvorili gramatiku (Kratka grammatika mežduslavjanskego jezika), spis slov medžuslovjansky-esperanto, slovnik, kurs jezyka i učebnik. Hot ničto iz togo ne bylo opublikovano, projekt polučil uvagu od jezykoznavcev raznyh krajev.[1][2]
Priklad teksta iz jego rukopisa Revolucija v istoriji interlingvistiki:
Do tego času bila aktivnost za meždunarodni jezik osnovana na principach utopizma, jež ždal si jedinego jezika za ves mir bez vzgleda na fakt, čto taki jezik ne može bit v nikakim pripadu rezultatem realnego razvoja jezikov živich, čto on bude vsegda tolika vidumana, spekulativna konstrukcija.[3]
4 srdečnyh napada prinudili jego prěrvati svoju karieru i poslě on zajmal se jedino poezijeju. Umrěl 30 aprilja 2000 goda v Pragě, Čehija.
Jego ime imaje park v městnosti Pragy Trěbešin.
Iztočniky
edit- ↑ А. Д. Дуличенко, Международные вспомогательные языки. Tallinn, 1990, pp. 301–302.
- ↑ Věra Barandovská-Frank, "Panslawische Variationen". Cyril Brosch & Sabine Fiedler (eds.), Florilegium Interlinguisticum. Festschrift für Detlev Blanke zum 70. Geburtstag. Frankfurt am Main, 2011, s. 220–223.
- ↑ Věra Barandovská-Frank, "Lingvopolitiko kaj interslavismo de Ladislav Podmele". Grundlagenstudien aus Kybernetik und Geisteswissenschaft, nr. 54:4, dekembr 2013 g. (Akademia Libroservo, ISSN 0723-4899), s. 179.
Vněšnje linky
edit- Tutoj članok imaje prěvod iz članka "Ladislav Podmele" v Vikipediji na poljskom (spis avtorov; dozvoljeńje CC BY-SA 4.0).
- Tutoj članok imaje prěvod iz članka "Pan-Slavic language" v Vikipediji na anglijskom (spis avtorov; dozvoljeńje CC BY-SA 4.0).