ⲛⲓⲣⲉⲙⲛ̀ⲭⲏⲙⲓ ⲛⲉ ⲛⲓⲣⲉⲙⲫⲙⲁ ⲛ̀ⲧⲉ ⲭⲏⲙⲓ. ϩⲁⲛⲙⲏϣ ⲛ̀ⲣⲱⲙⲓ ⲥⲉⲱⲛϧ ϧⲉⲛ ϯϧⲉⲗⲗⲟⲧ ⲛ̀ⲧⲉ ⲫⲓⲁⲣⲟ ⲉⲃⲟⲗ ⲙ̀ⲡⲓϣⲟⲣⲡ ⲛ̀ⲕⲁⲧⲁⲣⲁⲕⲧⲏⲥ ⲉⲫⲁⲉⲧϧⲉⲛⲑⲙⲏϯ. ⲧⲁⲓⲅⲉⲱⲅⲣⲁⲫⲓⲁ ⲧⲉ ϯⲥⲉⲛϯ ⲛ̀ⲧⲉ ϯⲙⲉⲧⲑⲟϧⲧⲉϧ ⲛ̀ⲣⲉⲛⲙⲛ̀ⲭⲏⲙⲓ ⲓⲥϫⲉⲛ ⲛⲓⲉϩⲟⲟⲩ ⲛ̀ⲁⲡⲁⲥ. ⲟⲩⲟⲛ 104.2 ⲙ̀ⲙⲓⲗⲓⲱⲛ ⲛ̀ⲛⲓⲣⲉⲙⲛ̀ⲭⲏⲙⲓ ϧⲉⲛ ⲡⲓⲑⲟ ⲧⲏⲣϥ ⲟⲩⲟϩ ⲛⲓⲛⲓϣϯ ⲛ̀ⲇⲓⲁⲥⲡⲟⲣⲁ ⲥⲉϫⲁⲗⲏⲟⲩⲧ ϧⲉⲛ ⲧⲁⲣⲁⲃⲓⲁ ⲛ̀ⲁⲗⲥⲱⲟⲩⲧ, ⲛⲉⲛⲉⲝⲟⲩⲥⲓⲁ ⲉⲧⲧⲟⲙⲓ ⲛⲉⲙ ϯⲗⲩⲃⲏ.
ϯⲁⲥⲡⲓ edit
ϯⲙⲉⲧⲁⲣⲁⲃⲟⲥ ⲧⲉ ϯⲁⲥⲡⲓ ⲉⲧⲉⲛϩⲟⲧ ⲛ̀ⲧⲉ ⲭⲏⲙⲓ ⲙ̀ⲫⲟⲟⲩ. ⲛⲁⲣⲉ ⲛⲓⲣⲉⲙⲛⲭⲏⲙⲓ ⲥⲁϫⲓ ⲙ̀ⲙⲉⲧⲣⲉⲙⲛ̀ⲭⲏⲙⲓ ϣⲁⲡⲓⲥⲏⲟⲩ ⲛ̀ϯⲙⲉⲧⲇⲁⲙⲁⲍⲓⲛ ⲛ̀ⲁⲣⲁⲃⲟⲥ ⲟⲩⲟϩ ⲛⲁⲣⲉ ϩⲁⲛⲙⲏϣ ⲙ̀ⲃⲁⲕⲓ ⲥⲁϫⲓ ⲛⲟⲩϫⲓⲛⲥⲁϫⲓ ⲙ̀ⲙⲓⲛ ⲙ̀ⲙⲟⲟⲩ – ⲥⲓⲱⲟⲩⲧ, ϣⲙⲟⲩⲛ, ϣⲙⲓⲛ, ⲡⲉⲙϫⲉ, ⲥⲟⲩⲁⲛ, ⲫⲓⲟⲙ, ⲛⲓϣⲧⲉⲣⲱⲟⲩ ⲛⲉⲙ ϫⲉⲙⲛⲟⲩϯ, ⲱⲡⲓ, ⲣⲁⲕⲟϯ ⲛⲉⲙ ⲙⲉⲛϥⲓ. ⲟⲩⲟⲛ ϯⲙⲉⲧⲁⲣⲁⲃⲟⲥ ⲛ̀ⲣⲉⲙⲛⲭⲏⲙⲓ ⲡⲓϫⲓⲛⲃⲉⲃⲓ ⲃ̅ – ⲙⲁⲥⲣⲓ ⲛⲉⲙ ⲥⲁⲓϯ.
ⲡⲓϫⲓⲛϣⲉⲙϣⲓ edit
ⲡⲓϩⲟⲩⲟ ⲛ̀ⲣⲉⲙⲛ̀ⲭⲏⲙⲓ ⲡⲉ ⲛⲓⲗⲁϩⲙⲓ ⲙ̀ⲫⲟⲟⲩ ⲁⲗⲗⲁ ⲛⲓⲭⲣⲓⲥϯⲁⲛⲟⲥ ⲡⲉ ⲡⲓⲛⲓϣϯ ⲛ̀ⲥⲃⲟⲕ. ϩⲁⲛⲙⲏϣ ⲛ̀ⲛⲓⲣⲉⲙⲛ̀ⲭⲏⲙⲓ ⲥⲉⲙⲟϣⲓ ⲛ̀ⲥⲁⲛⲓⲧⲣⲟⲡⲟⲥ ⲛ̀ⲥⲟⲩϥⲓ.
ϯⲙⲉⲧⲁⲃⲣⲉⲙ edit
ϯⲙⲉⲧⲁⲃⲣⲉⲙ ⲛ̀ⲣⲉⲙⲛⲭⲏⲙⲓ ⲥ̀ⲉⲣⲭⲣⲁⲥⲑⲉ ϩⲁⲛⲫⲉⲗ, ϩⲁⲛⲭⲗⲟ ⲛⲉⲙ ϩⲁⲛⲟⲩⲧⲁⲩϩ ⲛ̀ϯϧⲉⲗⲗⲟⲧ ⲙ̀ⲫⲓⲁⲣⲟ ⲛⲉⲙ ϯⲇⲉⲗⲧⲁ ⲟⲩⲟϩ ⲥ̀ⲫⲱϣ ϩⲁⲛⲣⲏϯ ⲉϩⲣⲉⲛ ϩⲁⲛⲃⲓⲛⲁϫ ⲛⲉⲙ ϩⲁⲛⲙⲉⲧⲁⲃⲣⲉⲙ ⲙ̀ⲫⲏⲉⲑⲙⲏϯ ⲛⲉⲙ ϯⲁⲫⲣⲓⲕⲏ ⲙ̀ⲡⲉⲙϩⲓⲧ (ⲕⲟⲥⲕⲟⲥ, ϩⲟⲙⲟⲥ, ϩⲁⲛϭⲗⲟⲓ ⲛ̀ⲁϥ).
ⲛⲓⲣⲁⲛ ⲛ̀ⲣⲉⲙⲛ̀ⲭⲏⲙⲓ edit
ⲟⲩⲥⲩⲥⲧⲏⲙⲁ ⲛ̀ⲛⲓⲣⲁⲛ ⲛ̀ⲣⲉⲙⲛⲭⲏⲙⲓ ⲥ̀ⲙⲟϣⲓ ⲥⲁⲫⲁϩⲟⲩ ⲟⲩⲥⲩⲥⲧⲏⲙⲁ ⲛ̀ⲁⲣⲁⲃⲟⲥ ⲁⲗⲗⲁ ⲟⲩⲟⲛⲧⲉⲥ ϩⲁⲛⲣⲁⲛ ⲉⲧⲉⲛϫⲓⲙⲓ ⲁⲛ ⲙ̀ⲙⲁⲩ.