Wb/nia/Tesalonika I/4

< Wb‎ | nia‎ | Tesalonika I
Wb > nia > Tesalonika I > 4

Famarou ba wa'ohau-hau dödö

edit

I. 1 Ba hadia na baero ö, ya'ami ira talifusö, ba ma'andrö khömi, ba mafarou dödömi, ba khö Zo'aya ya'ita andrö, Yesu; ena'ö tedou manö na wanörömi lala andrö, nirongomi khöma, he wisa ia, he wisa zomasi Lowalangi, si mane fanörömi sa'ae.[1] 2 Noa sa mi'ila hadia goroisa, nibe'ema khömi, moroi khö Zo'aya ya'ita andrö, Yesu.[2] 3 Da'ö sa wa'omasi Lowalangi fangohau-hau'ö ya'ami, ena'ö lö mibabaya wohorö,[3] 4 ena'ö ila i'alui ndrongania zamösana, ena'ö ohau-hau, ba ena'ö lö hadia ia zaila ita.[4] 5 Böi omasi ami mohorö-horö, si mane niha baero andrö, si lö mangila Lowalangi.[5] 6 Ba fa böi ilimo dalifusönia zamösana, ba waniaga, ba böi i'alani: oi sa nihuku Zo'aya dania da'ö, si mane ni'ombakha'öma khömi sa'ae göi, si mane nifaduhu'öma khömi.[6] 7 Tenga sa ba walösökhi, me ikaoni ita Lowalangi, ba wangohau-hau'ö ya'ita ikaoni ita.[7] 8 Andrö sa, na so zangositengagö da'ö, ba tenga niha i'ositengagö, Lowalangi i'ositengagö, same'e göi Eheha ni'amoni'ö andrö khömi.[8]

Famarou ba wangomasi'ö talifusö

edit

II. 9 Ba ba wangomasi'ö talifusö andrö, ba alakha lö masura khömi hadia ia; ya'ami andrö, ba noa sa ifahaö Lowalangi, ena'ö faoma mi'omasi'ö nawömi.[9] 10 Ba milau sa'ae da'ö, ba dalifusö andrö, fefu, ba danö Makedonia ma'asagörö. Ba mafarou dödömi, ya'ami ira talifusö, ena'ö tedou-dou manö na khömi,[10] 11 ba ena'ö mi'alui, fa ahono ami, fa ifaigi zamösana hadia ia khönia, ba ihalö halöŵönia, simane niŵa'öma khömi;[11] 12 ena'ö lö sinegu zi so baero andrö, khömi, ba ena'ö lö moguna khömi niha bö'ö.[12]

Sanandrösa ba zi mate

edit

III. 13 Balö edöna mabini'ö khömi, ya'ami ira talifusö, he wisa ba zi no mate andrö, fa böi abu dödömi, si mane tanö bö'ö andrö, si lö fanötöna.[13] 14 Na mamati ita sa, no mate Yesu ba no ifuli auri, ba ba zi manö göi ifafatörö'ö khö Yesu Lowalangi zi no mate andrö, awönia.[14] 15 Taroma li Lowalangi sa niŵa'öma andre khömi: ya'ita andre, sauri, si tosai, irugi wa'aso Zo'aya andrö, ba tenga föna zi no mate ita dania.[15] 16 Ya'ia dania, So'aya, zi möi mitou, moroi ba zorugo, na so we'ao andrö, na mu'ao zatua mala'ika andrö, na tefoli dorofe Lowalangi andrö, ba oföna maoso zi no mate andrö, ba khö Keriso.[16] 17 Awena dania tefazaŵa ita, ya'ita sauri, si tosai, ba lawuo. fao ita khöra, ba wamaondragö So'aya, ba dalu mbanua; ba tobali awö Zo'aya ita, silö mamalö-malö.[17] 18 Andrö faoma mibe'e fondrara dödö nawömi daroma li andre.

Famotokhi ba gahe

edit
  1. KorI 15:58
  2. TesII 3:6
  3. KorI 6:18
  4. KorI 6:13 b.t.
  5. Rom 1:24
  6. KorI 6:7-8
  7. FetI 1:14-16
  8. Luk 10:16; KorII 5:5
  9. Faigi 3:12; Rom 12:10; YohI 2:27
  10. Faigi 1:7; 3:12
  11. TesII 3:6-12; Efes 4:28
  12. FetI 2:12
  13. KorI 16:16 b.t.
  14. KorI 6:14
  15. KorI 15:23,51 b.t.
  16. TesII 1:7 b.t.; Mat 24:31
  17. Yoh 12:26; 14:3

Fabaliŵa lala

edit

Olayama Zura Tesalonika I: 12345

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö