Wb/nia/Tesalonika I/2
Fa'omasi Waulo ba mbanua Desalonika edit
I. 1 Mi'ila sa, ya'ami ira talifusö, wa no tenga zaya-zaya gölö we'amöima ba khömi.[1] 2 Noa sa ma'abe'e'ö ndra'aga, ba khö Lowalangida, me no mataögö ua wamakao ba me no la'osiwawöi ndra'aga, ba Wilifi, nirongomi, ba wangombakha khömi turia somuso dödö andrö khö Lowalangi; no oya zi fao famakao.[2] 3 Tenga sa moroi ba wa'elungu wangombakha'öma, ba tenga moroi ba walösökhi, ba tenga ba wa'onekhe;[3] 4 me no iŵa'ö Lowalangi tola ndra'aga, tola ibe'e ba dangama duria somuso dödö andrö, ba muhede ndra'aga, tenga afuma la'omasi'ö ndra'aga niha, afuma i'omasi'öga Lowalangi andrö, sanandraigö tödöma.[4] 5 Lö'ö sa marai masuno niha, wondrönisi ya'ira, mi'ila, ba lö nibini'öma tödöma, wangalui harema; Lowalangi zangila.[5] 6 Lö'ö göi ni'aluima sumange ba niha, he ba khömi, ba he ba niha bö'ö; tola sa ma'ebua'ö ndra'aga mena'ö, me no sinenge Keriso ndra'aga;[6] 7 ba no mahaogö-haogö, ba khömi, hulö zamaenu ono, ba wondrorogö ononia. 8 Si manö wehulu dödöma khömi, ba no aoha gölöma, tenga ha turia somuso dödö andrö khö Lowalangi mafa'ema khömi, nosoma göi, ba no khömi, me no omasiga ami.[7] 9 Dörö itörö tödömi, ya'ami, ira talifusö, wa'erege dödöma ba famakaoma andrö; bongi ma'ökhö mohalö-halöŵö ndra'aga, ena'ö samösa lö'ö, ba khömi, sabu tödö ba khöma andre, me maturiagö khömi duria somuso dödö andrö, khö Lowalangi.[8] 10 No anehe ami ba no anehe Lowalangi wa'ohau-hauma ba fa'atulö dödöma andrö, awö wa no lö sinegu khöma, ba khömi samati andrö. 11 Mi'ila he wisa wango'ouma ya'ami, dozi ami, ba he wisa wamarouma tödömi, hulö nama khö nononia,[9] 12 ba he wisa wamaduhu'öma khömi, ena'ö mihaogö mbua-buami, ena'ö si nangea khö Lowalangi andrö, sogaoni ya'ami banuania, ba ba lakhömi andrö khönia.[10]
Famonaha turia somuso dödö edit
II. 13 Andrö lö mabato, göi wangandrö saoha gölö khö Lowalangi, me no mifonaha daroma li Lowalangi andrö, nirongomi khöma, tenga si mane taroma li niha, no si mane si ndruhunia, simane taroma li Lowalangi, si no abölö göi ba dödömi, ba dödö zi no mamati andrö.[11] 14 Noa sa solo'ö ami, ya'ami ira talifusö, no mi'o'ö ba mbanua Lowalangi andrö, si so ba Yudaia, ba khö Keriso Yesu, me no mitaögö göi wamakao si manö, ba dalifusömi, si mane ya'ira ba niha Yehuda,[12] 15 si no mamunu göi So'aya, Yesu, awö zama'ele'ö andrö, si no molohi ya'aga göi; lö omasi Lowalangi ira, ba no fa'udu ira ba niha fefu;[13] 16 sanenaŵa ya'aga ba wangombakha ba niha baero, ena'ö te'orifi ira, ba wamönökhi horöra; lö mamalö-malö. Ba no göna ira fönu Lowalangi, fondrege.[14]
Fehulu dödö Waulo edit
III. 17 Ba ya'aga andre, ya'ami ira talifusö, me lö ya'ami khöma, si lö arara — fa lö i'ila ami höröma, tenga fa lö ba dödöma ami — ba no humulu sibai dödöma, ena'ö fa'ila bawa ita,omasi sibai ndra'aga. 18 Andrö möiga khömi mena'ö, ya'odo andre, Faulo, samuza ba samuza tö zui, ba no itimbaga Satana. 19 Ha niha sa dötönaföma ba fa'omuso dödöma ba takulama, fanuno ya'aga? Tenga ya'ami göi, föna Zo'aya ya'ita andrö, Yesu, ba wa'asonia andrö dania? [15] 20 Ya'ami sa lakhömima ba fa'omuso dödöma.[16]
Famotokhi ba gahe edit
- ↑ Faigi 1:5,9
- ↑ HalZin 16:22 b.t.; 17:6
- ↑ KorII 2:17
- ↑ TimI 1:11; Gal 1:10; Nga'ötI 29:17
- ↑ KorII 4:2; 12:14
- ↑ Yoh 5:41,44
- ↑ KorII 12:15
- ↑ HalZin 18:3; 20:18 b.t.
- ↑ KorI 4:14,15
- ↑ Efes 4:1
- ↑ Faigi 1:2-6
- ↑ HalZin 17:5,13; 8:1
- ↑ HalZin 3:15; 7:52
- ↑ HalZin 13:45; 14:2; Dan 9:26,27
- ↑ KorII 1:14
- ↑ Faigi 3:9
Fabaliŵa lala edit
Olayama Zura Tesalonika I: 1 • 2 • 3 • 4 • 5
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö