Wikimedia Incubator

Wb/nia/Tesalonika I/1

< Wb | nia | Tesalonika I
Wb > nia > Tesalonika I > 1

Fangowai ba fangandrö saohagölö

edit

I. 1 Faulo zanura da'e ba Siliwano ba Timoteo, ba mbanua andrö, ba Desalonika, ba khö Lowalangi Ama, ba ba khö Zo'aya, Yesu Keriso. Yafalukha ami wa'ebua dödö ba fa'ohahau dödö.[1]

Fangandrö saoha gölö ba wamati mbanua Desalonika

edit

II. 2 Lö mamalö-malö wangandröma saoha gölö khö Lowalangi.[2] 3 ba khömi andrö, fefu, itörö lima ami, na mangandröga; lö aetu wa itörö tödöma mbua-bua wamatimi andrö, ba fa'owölö-ölö wa'omasimi, ba fa'anau gölö wanötönami andrö, khö Zo'aya ya'ita, Yesu Keriso, föna Namada Lowalangi,[3] 4 me no aboto ba dödöma, wa no nitutuyu ami, ya'ami ira talifusö, ni'omasi'ö Lowalangi,[4] 5 me no irugi ami turia somuso dödö andrö, khöma, tenga ha ba li, no fao göi wa'abölö ba Eheha ni'amoni'ö, ba no abölö wa lö aiŴö; mi'ila sa he wisa ndra'aga, ba khömi andrö, börö ami.[5] 6 Ba no tobali solo'ö khöma ami ba solo'ö khö Zo'aya, me no mifonaha daroma li andrö; no oya zi fao famakao, ba no omuso dödömi, moroi khö Geheha ni'amoni'ö;[6] 7 ba no' tobali famaedo ami ba zamati fefu, ba Makedonia ba ba Nakhaya. 8 Moroi ba khömi sa terongo daroma li Zo'aya andrö, tenga ha ba Makedonia ba ba Nakhaya, no ba mbanua bö'ö fefu teturia wamatimi ba Lowalangi, tobali alakha lö'ö sa'ae itörö lima.[7] 9 Ya'ira sa zanutunö, he wisa we'amöima ba khömi, ba he wisa wamulimi ya'ami ba Lowalangi, wondröi adu andrö, ba wolo'ö khö Lowalangi sauri andrö, si ndruhu,[8] 10 ba ba wombalo-mbaloi Ononia andrö, moroi ba zorugo, nisusuginia moroi ba ngai zimate, Yesu, sangefa'ö ya'ita ba wönu dania andrö.[9]

Famotokhi ba gahe

edit
  1. ↑ TesII 1:1,2; HalZin 17:1,10
  2. ↑ TesII 1:3; Kol 1:3
  3. ↑ Faigi 5:8; KorI 13:13
  4. ↑ TesII 2:13 b.t.
  5. ↑ Faigi 2:13 b.t.; KorI 2:4,5
  6. ↑ KorI 11:1; HalZin 17:5 b.t.
  7. ↑ KorII 12:15
  8. ↑ HalZin 18:3; 29:18 b.t.
  9. ↑ Faigi 4:16; Fil 3:20; Rom 5:9

Fabaliŵa lala

edit

Olayama Zura Tesalonika I: 1 • 2 • 3 • 4 • 5

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Tesalonika_I/1&oldid=6229828"