Wb/nia/Tesalonika I/3

< Wb‎ | nia‎ | Tesalonika I
Wb > nia > Tesalonika I > 3

Soso dödö Waulo ba mbanua Desalonika

edit

I. 1 Andrö edönaga, ha ya'aga zi toröi furi ba Natena, me no tebai mataha sa'ae,[1] 2 ba no mafatenge Dimoteo andrö, talifusöma, enoni Lowalangi andrö, ba duria somuso dödö andrö khö Keriso, ba wangabe'e'ö ya'ami, ba ba wamarou tödömi, ba wamatimi andrö,[2] 3 ena'ö lö sangiwa tödö, ba wamakao andrö, noa sa mi'ila wa no nihonogöi khöda da'ö.[3] 4 Me soga khömi göi sa'ae, ba no mahönagö maŵa'ö khömi, göna dania ita famakao, ba no itörö ba no mi'ila.[4] 5 Andrö göi wa no ufatenge, me tebai utaha sa'ae, ba wamaigi famatimi andrö, ma no itandraigö ami sanandraigö andrö, ba ma no tobali zaya-zaya gölö halöŵöma andrö.[5]

Terara dödönia me lö tebulö wolo'öra

edit

II. 6 Ba iada'e, me no mangawuli khöma Dimoteo, moroi ba khömi, me no ituriagö khöma wa'asökhi wamatimi ba fa'asökhi wa'omasimi, awö wa lö'ö manö olifu ami ndra'aga, awö wehulu dödömi, ba wangila ya'aga, si mane fehulu dödöma, ba wangila ya'ami; 7 andrö wa no terara dödöma, ba khömi andrö, ya'ami ira talifusö, ba wa'afökhö andrö fefu, ba ba wamakao andrö khöma, börö wamatimi andrö; 8 noa sa auri ndra'aga iada'e, na abe'e ami ba khö Zo'aya.

Fangandrö salahi

edit

III. 9 Hadia sa zulö, zi tola mabe'e khö Lowalangi, fangandrö saoha gölönia, ba khömi andrö, ba wa'omuso dödöma andrö fefu, ba khömi, föna Lowalangida?[6] 10 Bongi ma'ökhö ma'abölögö sibai wangandrö, ena'ö fa'ila bawa ita, ba ena'ö ma'asiwai hadia ia zambö na, ba wamatimi andrö.[7] 11 Ba ya'ia, Lowalangi, Amada, ba yamufolala ndra'aga khömi ba So'aya ya'ita andrö, Yesu. 12 Ba khömi, ba yamudou'ö So'aya wa'omasimi nawömi ba fa'omasimi niha fefu, si mane fa'omasima ami göi, ena'ö fahöna,[8] 13 ba wanga'aro'ö tödömi, ena'ö lö sinegu, ba wa'ohau-hau, föna Namada Lowalangi, ba wa'aso Zo'aya ya'ita, Yesu, na fao ni'amoni'ö andrö khönia, fefu. Yaduhu.[9]

Famotokhi ba gahe

edit
  1. HalZin 17:15,16
  2. Faigi 1:1
  3. Efes 3:13; TimII 3:12
  4. HalZin 14:22
  5. Mat 4:3
  6. Faigi 2:19,20; YohIII 4
  7. Rom 1:10,11
  8. Faigi 4:9,10
  9. Faigi 5:23; TesII 1:7,10

Fabaliŵa lala

edit

Olayama Zura Tesalonika I: 12345

Amabu'ulali Sibohou: MataioMarekoLukaYohaneHalöŵö ZinengeRomaKorindro IKorindro IIGalatiaEfesoFilifiKoloseTesalonika ITesalonika IITimoteo ITimoteo IITitoFilemoHeberaioYakoboFetero IFetero IIYohane IYohane IIYohane IIIYudaFama'ele'ö

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö