Wb/nia/Sangombakha/8
1 Ha niha zi no si mane satua-tua? ba ha niha zi no aboto ba dödö eluaha hadia ia? — Fa'atua-tua niha andrö, ba humaga mbawa niha ibe'e, ba tobali walösökhi mbawa.
2 Da'ö niŵa'ögu: töngöni goroisa razo, börö wahölusa andrö ba Lowalangi.[1]
3 Böi aösö erogö ia (razo); böi babaya huhuo si lö sökhi.
4 Fefu hadia ia sa zomasi ia, ba ilau, me no sabölö li razo ba ha niha zi tola manofu khönia: Hadia nilaumö?
5 Sanöngöni oroisania, ba lö falukha zi lö sökhi, ba inötö ba huku isöndra tödö zatua-tua.
6 Fefu hadia ia sa nilau, ba so ginöto ba so huku, me no noro niha zi lö sökhi andrö khönia.
7 Lö'ö sa i'ila hadia zi so dania; ba he wisa lala dania, ba ha niha zamokai khönia?[2]
8 Lö niha sabölö moroi ba nangi, fa i'ila ena'ö iba'a nangi, ba lö sabölö moroi ba mbaŵa wa'amate, ba lö fangefa ba wanuwö; ba fanao horö andrö, ba lö i'orifi zama'ua.[3]
9 Da'ö fefu ni'ilagu, börö me no utöngötöngöni fefu nilau-lau ba guli danö, götö wa ibali'ö ia samatörö awönia niha, ba wangalani ya'ia.
10 Ba noa göi u'ila zebua horö, niko'o, sogamö folombase, ba tenga ba naha ni'amoni'ö monahia zolau satulö mege, ba olifu mbanuara ira. Faya-faya göi da'ö.
11 Me mogasa wamatörö huku ba nilau zi lö sökhi andrö, andrö wa itugu abe'e dödö nono niha, ba wolau si lö sökhi,
12 me meotu ilau zi lö sökhi si so horö, ba anau nosonia ba da'ö, he ŵa'ae no aboto ba dödögu, wa sohahau tödö dania zangata'ufi Lowalangi, samondrongo linia.[4]
13 Ba tenga sohahau tödö dania zanao horö, no timba lumö, wa lö anau nosonia, me no tenga sangata'ufi Lowalangi ia.
14 So zi hulö waya, ba guli danö, ya'ia wa so zatulö tödö si falukha lua-lua wolau zebua hörö, awö wa so zebua horö si falukha lua-lua wolau zatulö tödö. Ba no umane: Faya göi da'ö![5]
15 Ba no usuno wa'omuso dödö; me no fondrege zi sökhi ba niha ba guli danö, na manga-manga ia ba na ibadu-badu hadia ia, na i omusoi'ö dödönia; ba ya lö aefa-aefa khönia da'ö ba wa'erege dödönia andrö, götö wa'anau nosonia, nibe'e Lowalangi khönia ba guli danö.[6]
16 Ba me ube'e dödögu, ena'ö aboto ba dödögu wa'atua-tua andrö, ba ba wamaigi-maigi nilau-lau ba guli danö, — me lö falukha alau hörö niha, he ba zi bongi ba he ba zi ma'ökhö —
17 ba no u'ila, wa tebai aboto ba dödö niha wolau Lowalangi fefu, folau-launia andrö ba guli danö, me i'eregeregesi dödönia niha, ba wangalui, ba me lö'ö zui isöndra, ba he na iŵa'ötödönia satua-tua, no aboto ba dödönia, ba lö'ö zui isöndra.
Famotokhi ba gahe
editFabaliŵa lala
editOlayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö