Wb/nia/Sangombakha/5

I. Böi tafahulö wehede

1 Böi alio-lio mbeweu, ba böi ida'ida'i tödöu wanguma'ö hadia ia föna Lowalangi; noa sa ba zorugo so Lowalangi ba ya'ugö, ba ba guli danö so'ö: andrö böi oya'ö limö.
2 Ba zi fahöna fa'abu dödö, ba so wangifi, ba ba zi fahöna li, ba so wehede zambö tödö.
3 Na öfabu'u hadia ia khö Lowalangi, ba böi arörö'ö wanörö, lö'ö sa omasi ia zambö tödö; hadia nifabu'umö, ba öfalua göi.
4 Sökhi na lö öfabu'u, moroi na öfabu'u, ba lö ötörö.
5 Böi tehe ba mbeweu ifo'ömö mbotou, ba böi ömane khö zinenge Lowalangi: no numalö mbewegu! Hana wa [edöna'ö] mofönu Lowalangi, ba deatea mbeweu ba ifufu nilau dangau?
6 Na fahöna wangifi ba bewe, ba fahöna göi waya-faya. Andrö wa ö'ata'ufi Lowalangi.

II. Faya gana'a

7 Na ö'ila ba danö, lafakao zi numana, ba lafuyu'ö huku ba labila'ö lala, ba böi ahöli-höli dödöu ba da'ö; ifaigi-faigi sa nawönia salaŵa, ba Fondrege zalaŵa zamaigi-maigi ya'ira [fefu].
8 Ba mohare danö ba da'ö fefu, na so razo somasi fangahalö.
9 Somasi ana'a, ba tebai abuso ana'a, ba somasi na ebua gana'ania, ba lö isöndra zi ndruhu hare ba da'ö Si lö boto göi da'ö.
10 Na tedou mbalazo, ba tedou göi zi manga ya'ia, ba hadia hare zokhö, baero wamaigi?
11 Ba zohalö-halöŵö, ba fangokafu dödö wemörö, he na oya gönia, ba he na lö oya-oya; ba sebua ana'a, ba lö falukha mörö, ba wa'afahöna khönia.
12 So wamakao safökhö, ni'ilagu ba guli danö: Ana'a sebua ni'irö-irö'ö zokhö, famununia.
13 Na taya gana'a andrö, na itörö zokhö hadia ia, ba na so nononia, ba lö tosai hadia ia ba danga da'ö.
14 Si mane mege, me i'otarai dalu ninania, si manö wofanönia dania, lö balu-balu, si mane me awena so ia; ba lö hadia ia i'ohe, böli gölönia ba wa'erege dödönia andrö, noro dangania ena'ö.
15 Famakao sebua göi da'ö: no fagölö-gölö sibai ira wa'asonia wofanönia, ba hadia harenia, na i'eregesi dödönia ba nangi?
16 Ba sagötö ya'ia, ba ba zogömi-gömi so ia, ba so wa'abu dödö; ba fahöna wa lö sökhi-sökhi dödönia ba fa'afökhö ba fa'abao dödö.

III. Ta'andrö saoha gölö khö Lowalangi, na ta'oguna'ö nibe'enia khöda

17 Si ndruhu, ni'ilagu si sökhi ba somasi ita, ba ya'ia na manga-manga niha ba na ibadu-badu hadia ia, na i'abusoi'ö ia si sökhi, ba wa'erege dödönia andrö fefu, ba nifakaonia ya'ia ba guli danö, götö wa'anau nosonia, nibe'e Lowalangi khönia; me no da'ö dana khönia.
18 Ba he na so niha, nibe'e Lowalangi ana'a ba okhöta hadia ia, ba na no itolo ia ba wemanga si so andrö ba ba wanema urakhania, ba ba wangomusoi'ö tödönia halö-halöŵönia: ba buala Lowalangi da'ö.
19 Lö'ö sa börö itörö tödö niha si manö, wa lö anau nosonia; na itehe khönia Lowalangi wa'omuso dödönia andrö.

Famotokhi ba gahe

Fabaliŵa lala

Olayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö