Wb/nia/Sangombakha/12

I. Famarou tödö nono matua

1 Ba törö-törö tödöu zomböi ya'ugö, götö wa ono matua na ndra'ugö, fatua lö baŵa si lö sökhi andrö ba fatua lö ahatö na ndröfi andrö, niŵa'öu dania: lö omasido!
2 Fatua lö ndrundrumö luo ba haga andrö ba baŵa ba döfi, ba fatua lö ifuli alu, na no aefa deu —
3 na luo manizi-nizi zanaro omo ba na laköröbui ira ira matua sabölö, ba na lö'ö sa'ae halöŵö zohama fakhe, me lö atoto sa'ae ira, na ndrundrumö sa'ae zamaigi-maigi ba zandrela,
4 ba na tekusi sa'ae mbawandruhö salua ba newali, na alö wekokokoko halu andrö, ba na maoso niha na irongo li wofo, ba na lö ebua-bua tö li, na manunö.
5 Ba na anuzu göi dödöda hili-hili, ba na so gameta'uö ba lala, ba na mobowo kare ba na amaedola zanana larewe, ba na lö fa'omuso dödö sa'ae. Na isaŵa nomonia si lö tebulö niha, ba na ladörö-dörö newali sange'esi. —
6 Fatua lö aetu zinali firö andrö ba fatua lö aboto mako ana'a, ba fatua lö arasa nasoa ba mba'a ba fatua lö adudu roda ba mba'a,
7 ba fatua lö mangawuli ba danö gawu-gawu andrö, ba zi so ia mege, ba fatua lö mangawuli ba Lowalangi mbekhu, khö Lowalangi same'e ya'ia mege.
8 Alai waya-faya andrö, si tumbu ba waya-faya! iŵa'ö sangombakha, oi faya-faya manö.

II. A'ata'ufi Lowalangi, böi olifu wanguhuku andrö dania

9 Ba baero ö — wa no satua-tua zangombakha andrö — ba ifahaö niha sato ba wa'aboto ba dödö, ba itimbatimba tödönia ba i'alu-alui ba oya iŵa'ö amaedola.
10 I'alu-alui sangombakha andrö, ena'ö isöndra wehede omasiö, awö nitanö ba zura, ba wa'adölö dödö, taroma li si ndruhu-ndruhu.
11 Taroma li zatua-tua, ba no timba ndroi manaze, ba timba gosö-osö nitaru'ö daroma li ni'ozaragö andrö, niŵa'ö gubalo mbiri-biri, si ha samösa.
12 Ba baero ö na: Ya'ugö onogu, ba be'e nifangelama ndra'ugö! Famazökhi zura andrö, soya sibai, ba no si lö aetu, ba fangalungalui niha andrö tödönia, ba no fangerege dödö.
13 Fozu hadia ia fefu tafondrondrongo: Ata'ufi Lowalangi, ba o'ö goroisania! da'ö sa zi nangea ba niha fefu.
14 Fefu hadia ia nilau sa, ba i'ohe ba wanguhuku Lowalangi, ba wanguhuku si tobini andrö fefu, he si sökhi, ba he si lö sökhi.

Famotokhi ba gahe

Fabaliŵa lala

Olayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö