Wb/nia/Sangombakha/4

I. Famalangögö andrö ba fa'afökhö dödö ba fa'omasi gana'a

1 Ba u'ila göi wamalangögö andrö fefu, ba guli danö: mowöi daŵa hörö nifakao andrö, ba lö sondrara tödöra, lafakao ira samalangögö ya'ira, ba lö sondrara tödöra.
2 Ba ufahowu'ö zi no mate, si no mate föna sa'ae, moroi ba zauri, si no na ma'ökhö,
3 ba ya ahowu na moroi andrö zi lö si tumbu na, si lö mangila folau si lö sökhi andrö, ba guli danö.
4 Ba u'ila wa'erege dödö andrö fefu, awö wa'onekhe ba wolau hadia ia, fefu, wa no fa'afökhö dödöra khö nawöra. Si lö boto göi da'ö ba folohi angi.
5 Sambö tödö, ba ifatahö dangania, ba i'aga'aga nösinia.
6 Sökhi zi sagokhö fa'ahono dödö, moroi ba zi sandremo fa'erege dödö ba folohi angi.

II. Ba na hulö zi fatalifusö niha, ba tobali howu-howu

7 Ba so na ni'ilagu si lö boto, ba guli danö:
8 so zi ha samö-samösa, si lö awö, lö'ö göi ononia ba lö talifusö, ba ifakao zui ia, si lö aetu, ba lö abuso hörönia ana'a. Ba ha khö atö moguna, na ufakao ndra'o, ba na alimagö khögu uhaogö gögu? Si lö boto göi da'ö ba zaya-zaya gölö!
9 Si sökhinia na darua ira, moroi na ha samösa, börö me so dania mböli gölöra si sökhi, ba wa'erege dödöra andrö.
10 Na alau zi samösa, ba i'ila ifazaŵa nawönia si samösa; ba alai zi ha samö-samösa, na alau ia, ba lö awönia, ba wamazaŵa ya'ia.
11 Ba si manö göi na faedo zi darua ba wemörö, ba lö oafu ira; ba heza ihalö wa lö oafu si ha samösa?
12 Ba na so zamalangögö si ha samösa ba la'ila lalaŵa ia si darua; ba sinali si tölu winali, ba ha ŵaraö aetu?

III. No faehu ira zatua-tua zambö tödö

13 Ono matua si numana ba si no atua-tua, ba no tohude moroi khö razo si no satua ba sambö tödö, si tebai mamondrongo sa'ae, na so zanenaŵa ya'ia.
14 Me no ba gurunga i'otarai [ono matua andrö], ba we'amöi salaŵa, he ŵa'ae no ba mbanua razo andrö tumbu ia mege si numana.
15 No u'ila zauri andrö fefu, sowaö-waö ba guli danö, awö nono matua andrö, si samösa andrö, si möi fangali zi samösa no mege.
16 Ba si lö mutaha mu'erai niha sato andrö, fefu zi möi ia salaŵa. Ba lö'ö zui dania la'omusoi'ö tödö ia nga'ötö mitou. Me no si lö boto göi da'ö ba folohi angi.
17 Faigi-faigi gaheu, na möi'ö ba nomo Lowalangi. Na möi ita mamondrongo, ba no si sökhi, moroi na la'ohe zumange nitaba niha sambö tödö; noa sa si lö mangila watahögö ira, ba tobali lalau zi lö sökhi.

Famotokhi ba gahe

Fabaliŵa lala

Olayama Sangombakha: 1 • 2 • 3 • 4 • 5 • 6 • 7 • 8 • 9 • 10 • 11 • 12

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö