Wb/nia/Sakharia/9

< Wb‎ | nia‎ | Sakharia
Wb > nia > Sakharia > 9

I. Fama'ele'ö: nifatörö Lowalangi dania ba niha si fa'udu ba Ndraono Gizeraeli

edit

1 Niŵa'ö [zama'ele'ö]. Taroma li Yehowa, nitandrösaigö ba danö Haderakhi, si tohare ba Ndramaseko dania. Ifaigi-faigi sa niha Yehowa, ba he mado Ndraono Gizeraeli fefu.[1] 2 Ba ba Hamata, si faola ba da'ö, ba ba Diro ba ba Zidona; noa sa onekhe sibai ira![2] 3 No la'aro'ö mbanua khöra banua Diro andrö. No lahöna wirö, timba gawu-gawu, ba balaki, timba dambu baewali wa'oya. 4 Ba hiza, ba Yehowa zatu'a dania, ba itimba ba nasi wangabe'era andrö, ba banua, ba ö galitö. 5 Lafaigi-faigi dania Asikalo, ba humokha mbura: ba banua Gasa, ba laköröbui ira [ba wa'afökhö], ba si manö göi Nekerona — me no tobali faya dötönaföra andrö. Ba ba Gasa, ba lö razo sa'ae; ba Asikalo, ba si lö niha sa'ae dania, 6 ba ba Gasoto, ba niha si no fakhöyö zowanua. Uhöndrögö wayaŵasa Ndrawa Wilisiti andrö, 7 ba ufadöni ba mbawara si fao do andrö; ba sogoro ita andrö khöra, ba usöbi ba niföra. Ba si tosai dania ira göi, khö Lowalangida. Si falaŵalaŵa ba zalaŵa mado Yuda dania ira, ba banua Nekerona, ba si falaŵalaŵa ba Ndraono Yebusi.[3] 8 Ba u'iagö ba'a-ba'a ba gosali andrö khögu, ba'a-ba'a zanörö fefu. Böi sa'ae irugi ira samakao; ufaigi-faigi sa'ae.

II. Fama'ele'ö fa'asalaŵa Mesia, ba Ziona, sohahau dödö mbanuania

edit

9 Abölögö a'iki, ya'ugö ono Ziona alawe! Owua-wua'ö dödö, ya'ugö ono Yeruzalema alawe! Hiza, möi yomo ba mbanua khömi razomi, razo satulö ba sabölö! si lö fayaŵasa ia, ba hulu galide so ia, ba hulu nono galide si alawe.[4] 10 Ba ihori gureta ba wanuwö, ba mado Geferayi, ba he kudo ba Yeruzalema: ba he fana ba wanuwö, ba nihori dania; ba fa böi fasuwö iŵa'ö ba soi niha misa. Ba oi barö mbawania so, i'otarai nasi ba zi tambai, numalö ba nasi ba zi tambai, tanö sa, ba i'otarai mboto Oifarati, numalö ba wondrege danö.[5] 11 Ba me no do ube'e tandro tanga ba zura wawu'usa li andrö khöda, ba u'efa'ö göi ni'oloi'ö andrö khöu, ba mba'a andrö, si lö idanö.[6] 12 Mifuli ami ba mbanua saro andrö, ya'ami si no timba nikuru, sanötöna na fangefa. Ma'ökhö na göi, ba tefarongogö: Ufodua winaeta wanulöni khöu. 13 No ukhai khögu mado Yuda, nifogai fana, no ufo'ösi [ono wana] mado Geferayi, ba ufarou nonou matua, ya'ugö Siona, ba wolau ba ndraono Yawano, ubali'ö si'öli zabölö ami.[7] 14 To'ele dania Yehowa, yaŵara, ba itörö ono wana khönia, timba gari mbanua; ilau dania dorofe Yehowa ba fao ia ba nangi sabölö moroi raya wanörö.[8] 15 Ifoba'a-ba'a ira Yehowa ngahönö, manga-manga ira, ba lahundrahundra tou nono gara riboribo. Labadu ndro [zanuwö] nifamadu agu, ba oi do ira, timba wiga andrö, ba wame'e sumange, ba timba watalinga naha wame'e sumange. 16 Lowalangira Yehowa zame'e abölö ira, na luo da'ö, ya'ira andrö, nikubaloi, banuania, me no mani-mani ba dakula ira, si takile ba danönia. 17 Ha lö ebua lakhöminia! ba ha lö abölö wa'asökhinia! So mbua danö, fangabölö nono matua, ba so nösi mbua nagu fangabölö nono alawe.[9]

Famotokhi ba gahe

edit
  1. Yes 13:1
  2. Yes 10:9
  3. SamII 24:18
  4. Yes 62:11; Mat 21:5; Yoh 12:15
  5. Sin 72:8
  6. Yes 61:1; Mat 26:28
  7. Yoel 3:6
  8. Sin 18:15; Yes 27:13
  9. MozV 33:28

Fabaliŵa lala

edit

Olayama Zura Zakharia: 1234567891011121314

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö