Wb/nia/Sakharia/12

< Wb‎ | nia‎ | Sakharia
Wb > nia > Sakharia > 12

I. Lasasagö Yeruzalema niha baero ba abe'e ira; ya'ira zabölö, ibe'e Lowalangira

edit

1 Taroma li. Taroma li Yehowa, nitandrösaigö ba Ndraono Gizeraeli, niŵa'ö Yehowa andrö, samologö banua si yaŵa mege ba solata tanö, ba somböi eheha niha, barö dotonia.[1] 2 Hiza, ubali'ö mako zalimbuanö niha Yeruzalema, salimbuanö niha baero fefu, si tefasui ya'ira, ba tefarahu göi mado Yuda, na lasuwö Yeruzalema.[2] 3 Na luo da'ö dania, ba ubali'ö gowe nifazaŵa Yeruzalema, ba niha baero fefu, dozi ha niha ira samazaŵa, ba mesokho; ba dozi soi ba guli danö, ba owulo, udunia.[3] 4 Ba na luo da'ö, iŵa'ö Yehowa, ba ubözi fa'atokea kudo fefu; ba si fakudo ba hulu, ba ubözi fa'owöhö. Ba ma'uwu Yuda andrö, ba uhörö-hörögö, fatua uhawui bösi kudo niha baero fefu.[4] 5 Ba lamane dania dödöra salaŵa mado Yuda: We'e-we'e dödö mbanua Yeruzalema Yehowa ngahönö, Lowalangira, we'e-we'e dödö sabe'e! 6 Na luo da'ö dania, ba timba ndrundrunga ba mbaho ge'u zalaŵa mado Yuda ube'e, ba timba zulu sihola-hola ba mbaho ngamböbö wakhe, ba tobali la'a niha baero fefu, si tefasui ya'ira, he ba gambölö, ba he ba gabera; ba Yeruzalema, ba si lö tebulö ba nahania, lö hadia ia khöra. 7 I'ofönai'ö wanolo ba nose mado Yuda Yehowa, fa böi fayaŵa ba mado Yuda ma'uwu Dawido ba banua Yeruzalema, ba wa'ebua döira andrö. 8 Na luo da'ö, ba amaedola ibalugö balusenia Yehowa mbanua Yeruzalema, ba samome khöra, ba no timba Dawido, na luo da'ö, ba ma'uwu Dawido, ba no timba Lowalangi, si mane mala'ika Yehowa andrö, si iagö fönara. 9 Ba na luo da'ö, ba u'alui wangohori fefu niha baero, si no möi manuwö Yeruzalema.[5]

II. Telau dania Geheha fa'ahakhö dödö, Eheha ba wakaosa, ba wamalalini era-era

edit

10 Ba ba ma'uwu Dawido, ba ba mbanua Yeruzalema, ba ulau Geheha fa'ahakhö dödö, Eheha ba wakaosa, ba latöngöni nifahöra mege, ba la'e'esi ia, nifange'esi ono matua si ha sambusambua; mege-ege sibai ira ba khönia, timba wa'abu dödö ba khö nono si a'a.[6] 11 Na luo da'ö, ba tesao wange'esi sabölö-bölö, ba Yeruzalema, timba wange'esi no ba Hadandrimo ba danö salo'o, ba Megido.[7] 12 Mege-ege niha ba danö fefu, sambusambua mado: Si tonia ma'uwu Dawido ba si tonia ndra alawe khöra; ba si tonia ma'uwu Natano ba si manö göi ndra alawe khöra;[8] 13 ba si tonia mado Lewi ba si manö göi ndra alawe khöra; ba si tonia ma'uwu Zime'i ba si manö göi ndra alawe khöra;[9] 14 ba si manö madora fefu; sambusambua mado, ba si tonia, ba si manö göi ndra alawe khöra.

Famotokhi ba gahe

edit
  1. Yes 13:1; 42:5
  2. Yes 51:17,22
  3. Mat 21:44
  4. RazII 6:18
  5. Hez 38:32; Fam 20:9
  6. Yer 6:26; Yoel 2:28; Amos 8:10; Yoh 19:34; Fam 1:7
  7. Nga'ötII 35:20
  8. SamII 5:14
  9. MozIV 3:18

Fabaliŵa lala

edit

Olayama Zura Zakharia: 1234567891011121314

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö