Wb/nia/Sakharia/3

< Wb‎ | nia‎ | Sakharia
Wb > nia > Sakharia > 3

I. Angilata fanete zi tölu: Ere sebua andrö, Yosua, ba fameta horönia

edit

1 Ba i'oroma'ö khögu Yosua andrö Yehowa, Yosua ere sebua; föna mala'ika Yehowa so ia, ba no so ba ngainia Zatana, ba wangadugu ya'ia.[1] 2 Ba imane Yehowa khö Zatana: Yehowa zanguma'ö khöu: böi hede-hede, ya'ugö Satana! Yehowa, si no manuyu khönia Yeruzalema, zanguma'ö khöu: böi hede-hede! Hadia, tenga dudunga nisöbi ba galitö da'e?[2] 3 Ba no nukha soda'i nukha Yosua, me so ia ba da'ö, föna mala'ika.[3] 4 Ba humede da'ö, imane ba zi so ba da'ö: Miheta khönia nukha soda'i andrö! Ba noa da'ö, ba imane khönia: Hiza, no ube'e aefa khöu horöu, ba ufafonukha'ö sa'ae ndra'ugö nukha ba walöŵa.[4] 5 Ba imane na: Mifanaembu ia saembu si lö da'i! Ba lafanaembu ia saembu si sökhi ba lafonukha ia; ba soso na ba ngaira mala'ika Yehowa andrö.[5] 6 Ba ifaduhu'ö khö Yosua mala'ika Yehowa, imane: 7 Da'ö niŵa'ö Yehowa ngahönö: Na ötörö lala andrö khögu, ba na ö'o'ö nifakhoigu; na öhaogö halöŵöu ba nomogu, ba na öhaogö göi wamaigi he wisa ba golayama, ba ufolala ndra'ugö, awö genonigu andre.[6]

II. So wangorifi dania khö genoni Yehowa andrö nifotöi "Lewiö"

edit

8 Ba fondrondrongo, ya'ugö Yosua, ere sebua, ya'ugö ba awöu andrö, sidadao fönau — noa sa tandra ira he wisa dania, sahöli-höli dödöda —: Hiza sa, ufa'aso genonigu "Lewiö" andrö![7] 9 Ba kara andrö, nibe'egu föna Yosua — fitu hörö zamaigi kara, si ha sambusambua —, ba usua dania, iŵa'ö Yehowa ngahönö, ba olalöŵa andrö, ba danö andre, ba ha ma'öma'ökhö u'angohori'ö.[8] 10 Ba na luo da'ö — iŵa'ö Yehowa — ba tola faoma mikaoni nawömi ba lumö nagu ba ba lumö marafala![9]

Famotokhi ba gahe

edit
  1. Eser 2:2; Hag 1:1; Yob 1:6; Sin 109:6; Fam 12:10
  2. Yud a. 9; Amos 4:11
  3. Fam 3:18
  4. Sin 51:9; Yes 61:10; Luk 15:22
  5. MozII 28:39; Faigi 6:11
  6. MozV 11:1; Hez 44:15; Sin 91:11
  7. Yes 4:2; Hez 12:6; Faigi 6:12
  8. Sin 118:22; Yes 11:1,2; 28:16; Faigi 4:10
  9. RazI 4:25; Mikh 4:4

Fabaliŵa lala

edit

Olayama Zura Zakharia: 1234567891011121314

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö