Wikimedia Incubator

Wb/nia/Galatia/6

< Wb | nia | Galatia
Wb > nia > Galatia > 6

Famarou ba wamobawa lala khö zi so sala

edit

I. 1 He ya'ami ira talifusö, na so niha sosala, si lö mudöna-döna, ba mifuli mi'ohe ba zi sökhi zi manö Eheha wa'ebolo dödö andrö, ya'ami, si so Eheha, ba ya'ugö faigi, fa böi tetandraigö ndra'ugö göi.[1] 2 Faoma mi'onoro noro dödö nawömi, ba no mi'o'ö goroisa Keriso andrö. [2] 3 Na so zanguma'ö tödönia, sebua ia, he ŵa'ae si lö boto sa atö, ba no ilimo ia.[3] 4 Yamufaigi wolaunia zamösana, ba ha khönia wanunonia ya'ia, ba lö ifarongogö ba niha bö'ö.[4] 5 Ilu'i-lu'i sa noronia zamösana.[5]

Famarou ba wangomasi'ö awö

edit

II. 6 Ba ha niha nifahaö, ba daroma li andrö, ba ya ha sara dödö khö zamahaö ya'ia, ba zi sökhi, fefu. [6] 7 Böi elungu ami; lö ibe'e ni'o'aya ia Lowalangi. Hadia nitaru niha sa, da'ö göi nibasinia dania.[7] 8 Ha niha zanaru ba nösinia, ba moroi ba nösi ibasi dania wa'atekiko, ba sanaru ba Geheha, ba moroi ba Geheha ibasi dania wa'auri si lö aetu andrö.[8] 9 Ba böi atage ita, wolau si sökhi andrö; na inötönia dania, ba mamasi ita, na lö atage ita.[9] 10 Ba talau sa'ae zi sökhi, me no baŵania khöda, ba niha fefu, ba oföna ba zi ha sara lala wamati, wöda.[10]

Fango'ozui sura

edit

III. 11 Mifaigi ha wa'ebua dandra zura khögu, wanuragu khömi, tangagu andre. 12 Ha niha ira, sangalui, ena'ö la'omasi'ö ira, dali nösi niha, da'ö zango'ou ya'ami, ena'ö mifaboto'ö ami, ha fa böi tefakao ira, moroi ba röfa Keriso andrö. [11] 13 Ya'ira sa göi, samaboto'ö ya'ira andrö, ba lö la'o'ö goroisa, ba omasi ira, na mifaboto'ö ami, ena'ö lasuno ira, ba nösimi andrö.[12] 14 Ba ya'o, ba lö ufa'amöi ba dödögu wanuno ya'o, na tenga ba röfa Zo'aya ya'ita andrö, Yesu Keriso, ba niforöfa ösi guli danö khögu, ba ba niforöfa ya'o, ba nösi guli danö.[13] 15 Lö guna wamoto, ba lö guna wa lö muboto, ha niha si bohou zoguna.[14] 16 Ba ha wa'ato zanörö lala da'ö, ba ndrafalukha wa'ohahau dödö, ba fa'ahakhö dödö, ba yasi manö göi Ndraono Gizeraeli andrö, khö Lowalangi.[15] 17 Böi yamubusi sa'ae dödögu niha, ha niha ia. Ugohe-gohe ba nösigu andre lade andrö, khö Yesu.[16] 18 Yafalukha dödömi wa'ebua dödö Zo'aya ya'ita, Yesu Keriso, ya'ami ira talifusö! Yaduhu.[17]

Famotokhi ba gahe

edit
  1. ↑ TesI 5:14; Mat 18:15 b.t.; Sin 141:5
  2. ↑ Rom 15:1-3; Kol 3:13; Yoh 15:12
  3. ↑ KorI 8:2
  4. ↑ KorI 4:5,6
  5. ↑ Rom 14:12; Amaed 9:12
  6. ↑ KorI 9:11,14
  7. ↑ Yob 13:9; Luk 16:25
  8. ↑ Amaed 22:8; Yes 8:10; Rom 8:13
  9. ↑ TesII 3:13; Sin 126:5
  10. ↑ FetII 1:7
  11. ↑ Faigi 5:2,11; Fil 3:18
  12. ↑ Faigi 5:3; HalZin 15:10; Mat 23:3,4
  13. ↑ Faigi 2:19; KorI 2:2
  14. ↑ Faigi 5:6; KorII 5:17
  15. ↑ Fil 3:16; Sin 125:4-5
  16. ↑ KorII 4:10
  17. ↑ Fil 4:23; TimII 4:22

Fabaliŵa lala

edit

Olayama Zura Galatia: 1 • 2 • 3 • 4 • 5 • 6

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Galatia/6&oldid=6229813"