Wikimedia Incubator

Wb/nia/Galatia/4

< Wb | nia | Galatia
Wb > nia > Galatia > 4

Fa'a'onolowalangi niha Keriso

edit

I. 1 Ba da'ö niŵa'ögu: götö wa iraono zanema ondröita, ba lö faehu ira zawuyu, he wa'ae khönia fefu, hadia ia, 2 barö mbawa zondrorogö so ia ba barö mbawa zamaigi-maigi yomo, gasa-gasa wa irugi baŵa nihuku namania.

3 Si manö göi ita; götö wa iraono ita, ba no i'osawuyu ita famobörö andrö, ba guli danö.[1]

4 Ba me no irugi inöto andrö, ba ifatenge Nononia Lowalangi, ni'adonogö ndra alawe, ba nibe'e barö mbawa goroisa,[2] 5 ena'ö ihöli zi so barö mbawa goroisa, ena'ö falukha ita, fa ono ita.[3]

6 Ba me no ono ami, ba no ifatenge Lowalangi Geheha Nononia andrö, ba dödöda, si'ao andrö: He Aba, Ama![4]

7 Tobali tenga sa'ae sawuyu ndra'ugö, ono ndra'ugö; ba na ono, ba no sanema ondröita göi, ibe'e Lowalangi.[5]

Famarou ba wangawuli ba zindruhu

edit

II. 8 Ba me luo da'ö sa, me lö saboto ba dödömi Lowalangi, ba no sawuyu Lowalangi bö'ö ami, si tenga to'ua Lowalangi.[6]

9 Ba iada'e, me no aboto ba dödömi Lowalangi, me noa sa'ae aboto ba dödö Lowalangi göi ami, ba hana wa mifuli ami ba wamobörö andrö, sambö fa'abölö, ba si numana, si möi enoni zui ami ena'ö, samuza tö?[7] 10 Hadia mifaigi ngaluo, ba baŵa, ba inötö, ba döfi?[8]

11 Ata'u ndra'o ba khömi, ma dania zaya-zaya gölögu wohalöŵögu ba khömi andrö.

12 Mibe'e tuladami ndra'odo, me no si mane ya'ami ndra'odo göi; he ya'ami ira talifusö, mangandrö ndra'o khömi. Lö hadia ia horömi khögu.

13 Ba no mi'ila, wa no ambö wa'abe'e nösigu, me u'ombakha'ö khömi duria somuso dödö andrö, si föföna andrö. [9] 14 Ba lö ni'ositengagömi fanandraigö ya'ami andrö, ba nösigu, ba lö sanuzu dödömi; hulö na mala'ika Lowalangi ndra'o, wanemami ya'o no, hulö na Keriso Yesu ndra'odo.[10]

15 Ba heza so iada'e wa'odöŵa-döŵa dödömi no, niŵa'ömi? Ufaduhu'ö sa khömi, na tola mena'ö, ba no mikoe hörömi, ba no mibe'e khögu. 16 Hadia, no tobali si fa'udu khömi ndra'odo, me no uŵa'ö khömi zi duhu?

17 Tenga sa si sökhi wangaluira tödömi, edöna lafabali ami khögu, ena'ö mi'alui ira.[11] 18 Ba si sökhi sa, na te'alui zi zökhi, si lö mamalö-malö; ba tenga ha na sodo khömi.

19 He ya'ami, ira onogu, ni'adonogögu zamuza tö, safökhö khögu, irege tobali famaedo Keriso ami.[12] 20 Ena'ö na sodo khömi iada'e, ba ena'ö na u'ila ufalalini ligu; no abu dödögu ami.

Fangefa duria somuso dödö

edit

III. 21 Mi'ombakha'ö khögu, ya'ami, sedöna möi barö mbawa goroisa, hadia lö mifondrondrongo goroisa?

22 Noa sa so ba zura: dombua nono Gaberahamo, sambua ba zawuyu andrö, ba sambua ba zi tenga sawuyu.[13] 23 Ba ba lala wo'ono ba niha tesöndra zi sambua, ba zawuyu andrö, ba si sambua, ba zi tenga sawuyu, ba moroi ba gamabu'ula li.[14]

24 Amaedola da'ö : ya'ia sa zi dua balö wawu'usa li andrö, si sambua, ba moroi ba hili Zina'i, so'ono ba wa'asawuyu, ya'ia Hagara andrö,[15] 25 Hagara sa hili Zina'i andrö, ba li Ndrawa Ara, ba no falaŵa ia ba Yeruzalema ma'ökhö; noa sa sawuyu da'ö, awö ndraononia. 26 Ba Yeruzalema yaŵa andrö, ba tenga sawuyu, ya'ia ninada, ya'ita fefu.[16] 27 Noa sa so ba zura: "Omusoiö dödöu, ya'ugö, si lö ono, si lö irai madono; kara-karaini waiki ba owua-wua'ö dödöu, ya'ugö si lö fa'afökhö hulu, noa sa oya ndraono ba zi ha samösa andrö, no tohude ia, moroi ba zi so iramatua." [17] 28 Ba ya'ami ira talifusö, ba no ono gamabu'ula li ami, dali Giza'aki. 29 Ba hulö si mane ba da'ö, me igohi nisöndra ba lala Geheha nisöndra ba lala wo'ono ba niha, si manö göi iada'e.[18] 30 Ba hadia niŵa'ö ba zura? Imane: "Tibo'ö zawuyu andrö awö nononia, lö'ö sa tola manema ondröita nono zawuyu andrö, awö nono zitenga sawuyu."[19] 31 Andrö, ya'ami ira talifusö, tenga ono zawuyu ita, no ono zi tenga sawuyu.

Famotokhi ba gahe

edit
  1. ↑ Kol 2:8,20
  2. ↑ MozI 49:10; Dan 9:25; Mat 5:17
  3. ↑ Faigi 3:13,26
  4. ↑ Rom 8:15
  5. ↑ Rom 8:16,17
  6. ↑ KorI 8:4, 12:2; Sin 115:4
  7. ↑ Kol 2:20 b.t.
  8. ↑ Rom 14:5
  9. ↑ KorI 2:3
  10. ↑ Mal 2:7; Yoh 13:20
  11. ↑ Faigi 6:12; HalZin 20:30
  12. ↑ KorI 4:15
  13. ↑ MozI 16:15; 21:2 b.t.
  14. ↑ Rom 9:7-9
  15. ↑ MozII 19:18; MozI 16:1; Heb 12:18 b.t.
  16. ↑ Heb 12:22; Fam 3:12
  17. ↑ Yes 54:1
  18. ↑ MozI 21:9
  19. ↑ MozI 21:10,12

Fabaliŵa lala

edit

Olayama Zura Galatia: 1 • 2 • 3 • 4 • 5 • 6

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Galatia/4&oldid=6229811"