Famarou ba wa'aro dödö edit
I. 1 Ba fa böi sawuyu ita, ba no i'efa'ö ita Keriso. Ba mi'abe'e'ö, böi mibe'e nifokalo mbagimi, ba wa'asawuyu.[1]
2 Hiza, ya'o, Faulo, uŵa'ö khömi, na mifaboto'ö ami, ba lö guna Keriso khömi.[2]
3 Ba ufaduhu'ö zui ba niha fefu, ha niha zamaboto'ö ya'ia, wa mo'ömö ia folo'ö oroisa ma'afefu.[3]
4 No mifabali ami khö Keriso, na ba goroisa mi'alui wangatulömi, no aefa ami ba wa'ahakhö dödö andrö.
5 Ya'ita sa, ba ba Geheha, moroi ba wamati andrö, tadöna-döna dötönafö andrö, fangatulö.[4]
6 Ba khö Keriso Yesu sa, ba tebai wamoto, ba tebai wa lö muboto, ha famati andrö, si no abölö, ba wa'omasi andrö.[5]
7 No sökhi wolo'ömi föna; ha niha zanenaŵa ya'ami, fa lö mifondrondrongo zi duhu?[6]
8 Fondrönisi andrö, ba tenga moroi ba zogaoni ya'ami. [7]
9 Ha ma'ifu danömö roti, ba ahori i'aisöni gomböila roti fefu.[8]
10 No faduhu dödögu khömi, ba khö Zo'aya, wa ha da'ö dödömi, ba samakuyu ya'ami andrö, ba ilu'i dania hukunia, gofu ha niha ia.[9]
11 Ba ya'odo andre, ya'ami ira talifusö, na u'ombakha'ö na ena'ö wamoto andrö, ba hana wa lagohi na ndra'odo? Noa sa döhö mena'ö, wa fatuwu röfa andrö.[10]
12 Ena'ö na lafakhai'ö ira, samawukaisi tödömi andrö![11]
Famarou ba wangomasi'ö awö ba ba wanörö lala Geheha edit
II. 13 Ya'ami sa, ba ba wa böi sawuyu tekaoni ami, ya'ami ira talifusö, ha fa böi tobali lala nösi niha, wa tenga sawuyu ami, faoma mitolo nawömi, moroi ba wa'omasi andrö.[12] 14 Oroisa andrö sa ma'afefu, ba ba zi ha sambua li andrö tetörö ia fefu, na imane: "Omasi'ö zahatö khöu, simane fa'omasiu ndra'ugö."[13] 15 Ba na fara'u-ra'u ami, na faoma mi'a nawömi, ba mifaigi, fa böi faoma mibe'e ahori nawömi. 16 Ba da'ö niŵa'ögu: mitörö lala Geheha, ba lö mifalua wangisö nösi andrö.[14] 17 Mangisö sa nösi si no fa'udu ba Geheha, ba omasi Geheha zi fa'udu ba nösi; faoma sa fa'udu ira khö nawöra, ena'ö lö milau zomasi ami ena'ö.[15] 18 Ba na nifarou Geheha ami, ba tenga barö bawa goroisa so ami. [16] 19 Ba no oroma mbua-bua nösi andrö, ya'ia wohorö, ba fa'ara'i-ra'iö, ba fa'atebakha[17] 20 ba fame'e adu, ba fakelemusa, ba fatiusa, ba fasosota, ba fatötöisa, ba fönu, ba fanandraŵa, ba fa'udusa, ba fa'erosa,[18] 21 ba fa'afökhö dödö, ba fomabu-mabu, ba femanga-manga, ba hadia ia na, nawönia, ba uhönagö uŵa'ö khömi, si mane niŵa'ögu no sa'ae khömi, solau si manö, ka tebai isöndra mbanua Lowalangi.[19] 22 Ba bua-bua Geheha andrö, ba ya'ia wa'omasi, ba fa'omuso dödö, ba fa'ohahau dödö, ba fa'ebolo dödö, ba fa'asökhi dödö, ba fa'ebua dödö, ba fa lö faröi.[20] 23 ba fa lö mofönu, ba famoni; na so zimanö, ba lö ihuku oroisa.[21] 24 Ba tana khö Keriso Yesu andrö, ba no laforöfa nösira, awö wangisö andrö, ba awö wa'omasi si lö sökhi. [22] 25 Na ba Geheha auri ita, ba datatörö göi lala Geheha. 26 Böi fayaŵa ita ba waya, böi ta'arö-arö nawöda, böi afökhö dödöda khö nawöda.[23]
Famotokhi ba gahe edit
- ↑ Faigi 2:4; 4:9; Yoh 8:32,36; HalZin 15:1
- ↑ Faigi 2:21; HalZin 16:1
- ↑ Faigi 6:13
- ↑ Rom 5:1 b.t.; TimII 4:8
- ↑ Faigi 6:15; 3:28; KorI 7:19; 13:2
- ↑ Faigi 1:1-3
- ↑ Faigi 1:6
- ↑ KorI 5:6
- ↑ Faigi 1:7
- ↑ Faigi 6:12,14; KorI 1:23
- ↑ Sin 12:4
- ↑ KorI 8:9; FetI 2:16
- ↑ Rom 13:9,10
- ↑ Rom 7:6; 8:4,5; FetI 2:11
- ↑ Rom 7:23; 8:6
- ↑ Rom 8:14; 6:14
- ↑ KorI 6:9 b.t.; Kol 3:5
- ↑ Fam 21:8; KorII 12:20; KorI 11:19
- ↑ Rom 13:13; Efes 5:5
- ↑ Efes 5:9; Rom 14:7
- ↑ TimI 1:9
- ↑ Faigi 2:19; Rom 6:6
- ↑ Fil 2:3
Fabaliŵa lala edit
Olayama Zura Galatia: 1 • 2 • 3 • 4 • 5 • 6
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö