Wikimedia Incubator

Wb/nia/Galatia/3

< Wb | nia | Galatia
Wb > nia > Galatia > 3

Ba wamati tesöndra wa'atulö dödö

edit

I. 1 He ya'ami, banua Galatia, si lö tödö-tödö! Ha niha zolau elemunia khömi, khömi, si no mube'e famaedo Yesu Keriso, ba duduma hörö, famaedo Yesu Keriso niforöfa? [1] 2 Ha da'ö nisofugu khömi: Hadia, moroi ba wolo'ö oroisa, wa no mitema mege Geheha, ba ma moroi ba duria wamati andrö? [2] 3 Hadia, si manö wa'ambö tödö andrö khömi? Ba Geheha mibörötaigö no, ba hadia, ba nösi niha wozu khömi dania? 4 Hadia, ha wa'oya-oya zi no itörö ami, hadia, zaya-zaya gölö? Si ndruhu zaya-zaya gölö taŵa'ö? 5 Ba sama'ema khömi Eheha andrö, sanga'asogö khömi fa'abölö, hadia, moroi ba wolo'ö oroisa, wa ilau da'ö, ba ma moroi ba duria wamati andrö? 6 Si mane Aberahamo, "mamati ia khö Lowalangi, ba tebe'e fa'atulö dödönia."[3] 7 Ba aboto sa'ae ba dödömi: ha niha zi otarai wamati, da'ö ma'uwu Gaberahamo.[4] 8 Ba me no tohöna oroma ba zura, wa moroi ba wamati andrö atulö niha baero, iŵa'ö Lowalangi, andrö tehönagö te'ombakha'ö khö Gaberahamo duria somuso dödö, imane Lowalangi: "Moroi ba khöu tefahowu'ö dania fefu soi ba gulidanö."[5] 9 Tobali awö Gaberahamo, samati andrö, tefahowu'ö zi otarai wamati andrö.[6] 10 Ha wa'ato sa zi otarai wolo'ö oroisa, ba no tohare khöra wangelifi. Noa sa so ba zura: "Ni'elifi dozi si lö manörö fefu, hadia ia, zi so ba zura goroisa andrö, ba wolo'ö ya'ia."[7] 11 Ba no oroma, wa samösa lö satulö, iŵa'ö Lowalangi, ba goroisa andrö, imane: "Moroi ba wamati auri dania zatulö andrö." [8] 12 Ba tenga moroi ba wamati goroisa andrö, imane: "Ha niha zi no molo'ö, da'ö zauri ba da'ö." [9] 13 No ihöli ita Keriso, ba wangelifi andrö, ba goroisa andrö, me no tobali ni'elifi ia, salahida, me no so ba zura: Ni'elifi dozi nitaŵi ba döla geu,[10] 14 ena'ö falukha niha baero howu-howu andrö khö Gaberahamo, ba khö Keriso Yesu, ena'ö tatema gamabu'ula li andrö, Eheha andrö, moroi ba wamati.[11]

Lö tewu'ai gamabu'ula li andrö

edit

II. 15 He ya'ami, ira talifusö! Fehede niha wehedegu. Oroisa niha göi, na no mu'aro'ö, ba lö la'osilö'ögö, ba lö lasahe.[12] 16 Ba no muŵa'ö gamabu'ula li andrö, khö Gaberahamo ba khö ma'uwunia; lö iŵa'ö: "ba khö ma'uwu sato"; ha samösa, no imane: "ba khö ma'uwumö", ya'ia Keriso. [13] 17 Ba da'ö niŵa'ögu: Oroisa andrö, ni'a'aro'ö Lowalangi föna, ba tebai tewu'ai ba goroisa amakhoita andrö, si no öfa ngaotu a tölu ngafulu fakhe si akhi moroi khönia, fa lö'ö sa'ae moguna gamabu'ula li andrö mena'ö.[14] 18 Na moroi ba goroisa sa wanema ondröita andrö ena'ö, ba tenga sa'ae moroi ba gamabu'ula li; ba khö Gaberahamo, ba no moroi ba gamabu'ula li, wa i'amualagö Lowalangi.[15] 19 Bahe wisa goroisa andrö? Börö golalöwa andrö, wa tefatewu ia, irege so ma'uwu andrö, ba nitandrösaigö amabu'ula li andrö; ni'oroi'ö ba mala'ika goroisa andrö, nifa'ema zama'ema andrö.[16] 20 Ba sama'ema, ba tenga ba zi ha samösa, ba Lowalangi, ba no ha samösa.[17] 21 Ba hadia, fa'udu goroisa ba gamabu'ula li Lowalangi andrö? Tenga si manö. Na no mube'e mena'ö goroisa, sangila mangorifi niha, ba si ndruhu moroi ba goroisa i'otarai fa'atulö andrö. [18] 22 Ba ba zura, ba no tefa'u'u manö fefu hadia ia, barö mbawa horö, ena'ö moroi ba wamati khö Yesu Keriso tebe'e gamabu'ula li andrö, ba zamati andrö.[19]

Oroisa andrö mamahaö ya'ita khö Keriso

edit

III. 23 Ba me lö famati andrö na sa, ba no tetarogö ita, nifa'u'u barö mbawa goroisa, famati andrö nituturu, nifa'ele'ö dania,[20] 24 Ba no tobali samamaha ya'ita goroisa andrö, ba khö Keriso, ena'ö moroi ba wamati andrö atulö ita, iwa'ö Lowalangi.[21] 25 Ba me no so wamati andrö, ba tenga sa'ae barö mbawa zamamaha so ita. [22] 26 Dozi ami sa, ba no ono Lowalangi, moroi ba wamati andrö khö Keriso Yesu.[23] 27 Ha wa'ato ami sa, si no mubayagö idanö, ba khö Keriso, ba no mi'onukha Keriso.[24] 28 Ba da'ö lö niha Yehuda, ba lö Dawa Heleni, lö sawuyu ba lö si tenga sawuyu, lö ira matua, ba lö ira alawe; dozi ami sa, ba ha samösa, ba khö Keriso Yesu.[25] 29 Ba na khö Keriso ami, ba no ma'uwu Gaberahamo ami, sanema ondröita, dali gamabu'ula li andrö.[26]

Famotokhi ba gahe

edit
  1. ↑ Faigi 5:7
  2. ↑ HalZin 2:38
  3. ↑ MozI 15:6; Rom 4:3
  4. ↑ Rom 4:11-12; Yoh 8:39
  5. ↑ MozI 12:3
  6. ↑ Rom 4:16
  7. ↑ MozV 27:26
  8. ↑ Faigi 2:16; Hab 2:4; Rom 1:17
  9. ↑ MozIII 18:5; Rom 10:5
  10. ↑ Rom 8:3; MozV 21:23
  11. ↑ MozI 12:3; Yes 44:3
  12. ↑ Heb 9:15 b.t
  13. ↑ MozI 13:15; 17:8 b.t.
  14. ↑ MozII 12:40
  15. ↑ Rom 4:13 b.t.
  16. ↑ Rom 3:20; 5:20
  17. ↑ MozV 4:35
  18. ↑ Rom 8:2-4
  19. ↑ Rom 3:9; 11:32; Gal 3:14
  20. ↑ Faigi 4:2-3
  21. ↑ Rom 10:4
  22. ↑ Rom 7:4,6
  23. ↑ Faigi 4:5,7; Yoh 1:12
  24. ↑ Rom 6:3 b.t.; 13:14
  25. ↑ Kol 3:11; Efes 2:14,15
  26. ↑ Faigi 9:3,16

Fabaliŵa lala

edit

Olayama Zura Galatia: 1 • 2 • 3 • 4 • 5 • 6

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Galatia/3&oldid=6229810"