Wp/wls/Lea faka'uvea

Ko te lea faka'uvea e ko he lea polinesia e palalau'i i te motu o 'Uvea. Pea e kehe mai te lea fagauvea e palalau'i i te motu o Uvea lalo i Niu Kaletonia.

Ko te lea faka'uvea e ko te lea fakafenua aia o 'Uvea kae kua palalau'i i Niu Kaletonia, Tahisi, Falani mo tai atu e te kaiga 'uvea e kua ma'uli ai.

E mahino mai te tohi o te Ethnologue ko te kaiga e 10.400 e nātou palalau'i te lea faka'uvea i te ta'u 2000 kae e lau ki te toko 20,000 ape te kaiga e palalau faka'uvea (Livingston 2016).

Ko te lea ae teitei tatau mo te lea faka'uvea ko te lea fakaniuafo'ou ae e palalau'i i Niuafo'ou pea e toe ovi ki te lea fakatoga ae e palalau'i i Toga, logo lā te kau a te lea faka'uvea i te fāmili o te 'u lea e hifo mai te fakaha'amoa. Ne'e lahi te 'u kupu o te lea faka'uvea ne'e ha'u mai te leafakatoga, ko tona 'uhiga hē ne'e pule Toga ki 'Uvea i te 'u sekulo 15 mo 16.

E lahi mo te 'u kupu o te lea faka'uvea ne'e ma'u mai te 'u lea fakafisi, fakapilitania, fakalatina mo fakafalani.