Wp/syl/ꠇꠦꠔꠣꠛ ꠢꠣꠟꠔꠥꠘ ꠘꠛꠤ

শ্রীহট্ট
⁕ ꠍꠤꠟꠦꠐ ꠘꠣꠉꠞꠤ ꠙꠥꠕꠤ ⁕
ꠎꠟꠣꠟ-ꠀꠛꠣꠖꠤ ꠙꠥꠕꠤ
ꠍ꠆ꠞꠤꠅꠐ꠆ꠐ ꠘꠣꠉ꠆ꠞꠤ ꠙꠥꠕꠤ
ꠍꠤꠟꠦꠐ ꠘꠣꠉꠞꠤ ꠙꠥꠕꠤ
ꠔꠁꠔ꠆ꠔ
ꠎꠦ ꠎꠦꠉꠣꠞ	ꠍꠤꠟꠐ ꠅꠘ꠆ꠌꠟ
ꠖꠤꠇ	ꠛꠣꠃꠔꠘꠦ ꠒꠣꠁꠘꠦ
ꠇꠥꠘ ꠡꠝꠄꠇꠥꠞ	ꠀꠉꠞꠀꠝꠟꠤ (ꠍꠤꠞꠤꠢꠐ꠆ꠐꠤ) ; 1303 (ꠡꠣꠎꠟꠣꠟꠞ ꠡꠝꠄꠇꠥꠞ); 1559-1774 (ꠉꠥꠟꠣꠝ ꠢꠥꠍꠘ); 1870 (ꠁꠍꠟꠣꠝꠤꠀ ꠙ꠆ꠞꠦꠌ)
ꠙꠥꠕꠤꠘ
ꠇꠦꠔꠣꠛ	Category:Wp/syl/ꠙꠥꠕꠤ ꠟꠦꠈ꠆ꠞꠣ; Wp/syl/ꠀꠡꠟ ꠇꠦꠔꠣꠛ ꠝꠢꠛꠔꠘꠣꠝꠣ; Wp/syl/ꠍꠤꠟꠦꠐ ꠘꠣꠉꠞꠤꠞ ꠙꠢꠦꠟꠣ ꠇꠦꠔꠣꠛ; Wp/syl/ꠇꠠꠤ ꠘꠣꠝꠣꠞ ꠙꠥꠕꠤ; Wp/syl/ꠜꠦꠖꠡꠣꠞ; Wp/syl/ꠉꠣꠚꠤꠟ ꠘꠍꠤꠢꠔ; Wp/syl/ꠡꠣꠔ ꠇꠁꠘꠣꠞ ꠛꠣꠈꠣꠘ; Wp/syl/ꠔꠣꠟꠤꠛ ꠢꠥꠍꠘ; Wp/syl/ꠇꠦꠔꠣꠛ ꠢꠣꠟꠔꠥꠘ ꠘꠛꠤ; Wp/syl/ꠌꠘ꠆ꠖꠞꠝꠥꠈꠤ;
ꠜꠣꠡꠣ ꠟꠤꠙꠤꠞ ꠔꠁꠔ꠆ꠔ
ꠟꠤꠙꠤ	ꠍꠤꠟꠐꠤ ꠟꠤꠙꠤ ꠨ Sylo (316)
ꠜꠣꠡꠣꠁꠘ	ꠍꠤꠟꠐꠤ ꠝꠣꠔ (ꠘꠣꠉꠞꠤ ꠜꠣꠡꠣ); ꠝꠣꠎꠞ ꠀꠝꠟꠤ ꠝꠣꠔ (ꠛꠣꠋꠉꠣꠟꠣ ꠜꠣꠡꠣ);
ꠇꠞꠎ ꠡꠛ꠆ꠖꠣꠁꠘ	ꠀꠞꠛꠤ; ꠚꠣꠞ꠆ꠍꠤ; ꠡꠋꠍꠇ꠆ꠞꠤꠔ;
ꠗꠣꠌ (ꠁꠡ꠆ꠐꠣꠁꠟ)	ꠡꠣꠗꠥ ꠗꠣꠌꠞ; ꠖꠥꠜꠣꠡꠤ ꠗꠣꠌꠞ;
ꠗꠞꠘ	ꠇꠛꠤꠔꠣ; ꠉꠤꠔ;
ꠉ꠆ꠞꠣꠝꠣꠞ	ꠟꠦꠈ꠆ꠞꠣꠁꠘ꠆ꠔꠞ ꠖꠦꠅꠀ ꠘꠣꠝ ꠙ꠆ꠞꠣꠌꠤꠘ ꠘꠣꠉꠞꠤ;
ꠃꠌ꠆ꠌꠣꠞꠘ	Wp/syl/IPA;
	ꠡꠣꠁꠔ꠆ꠔ - ꠛꠁꠀꠁꠘ - ꠙꠥꠕꠤꠘ

ꠇꠦꠔꠣꠛ ꠢꠣꠟꠔꠥꠘꠘꠛꠤ/ ꠢꠣꠟꠣꠔ-ꠃꠘ-ꠘꠛꠤ ꠅꠁꠟ ꠝꠥꠘ꠆ꠡꠤ ꠍꠣꠖꠦꠇ ꠀꠟꠤ ꠝꠥꠘꠍꠦꠚꠞ ꠟꠦꠈꠣ ꠁꠍꠟꠣꠝꠞ ꠘꠛꠤ ꠝꠥꠢꠣꠝ꠆ꠝꠖꠞ ꠎꠤꠛꠘ ꠟꠁꠀ ꠟꠦꠈꠣ ꠄꠉꠥ ꠇꠦꠔꠣꠛ ⁕ ꠁ ꠇꠤꠔꠣꠛ ꠟꠦꠈꠣ ꠅꠁꠍꠦ ١٢d٢ ꠛꠣꠋꠟꠣ ꠡꠣꠟ (١8☽☽ ꠁꠡꠣꠁ) ⁕ ꠁ ꠛꠁ ꠅꠁꠟ ꠡꠛꠌꠣꠁꠔꠦ ꠘꠣꠝꠇꠞꠣ ꠛꠁ ⁕ ꠚꠄꠟꠣ ꠚꠄꠟꠣ ꠀꠔ ꠟꠦꠈꠣ ꠛꠁ ꠍꠟꠌꠦ ꠨ ꠛꠣꠖꠦ ١8d০ ꠡꠣꠟ ꠚꠄꠟꠣ ꠁ ꠇꠤꠔꠣꠛ ꠍꠣꠚꠣ ꠅꠁꠍꠦ ⁕ ꠢꠣꠟꠣꠔꠥꠘ ꠘꠛꠤ ꠀꠍꠔꠣ ꠍꠤꠟꠐꠞ ꠡꠛ ꠎꠣꠉꠣꠔ ꠈꠥꠛ ꠘꠣꠝꠈꠞꠣ ꠙꠥꠕꠤ ⁕ ꠘꠛꠤ ꠝꠥꠢꠣꠝ꠆ꠝꠣꠖ ꠅꠞ ꠚꠥꠞꠣ ꠎꠤꠛꠘꠤ ꠁ ꠛꠁꠔ ꠔꠥꠟꠤꠀ ꠗꠞꠣ ꠅꠁꠍꠦ ⁕ ٢০০٩ ꠡꠣꠟ ꠃꠔꠡ ꠙ꠆ꠞꠇꠣꠡꠘꠤ ꠕꠣꠇꠤ ꠘꠄꠀ ꠀꠛꠣꠞ ꠁ ꠇꠤꠔꠣꠛ ꠍꠣꠚꠣ ꠅꠁꠍꠦ ⁕ ꠢꠣꠟꠔꠥꠘ ꠘꠛꠤ ꠍꠤꠟꠐꠤ ꠍꠣꠠꠣꠅ ꠀꠞ꠆ꠎꠣꠔ ꠅꠘꠥꠛꠣꠖ ꠇꠞꠣ ꠅꠁꠍꠦ ⁕

ꠛꠤꠡꠄꠛꠍꠔꠥ

ꠁꠍꠟꠣꠝꠞ ꠡꠦꠡ ꠘꠛꠤ ꠝꠥꠢꠣꠝ꠆ꠝꠣꠖ ꠞ ꠎꠤꠛꠘꠤ (ꠍꠤꠞꠣꠔ) ꠅꠁꠟ ꠁ ꠇꠤꠔꠣꠛ ⁕ ꠛꠁꠞ ꠡꠥꠞꠥ ꠅꠁꠍꠦ ꠢꠣꠝꠖ ꠀꠞ ꠘꠣꠔ ꠖꠤꠀ ꠨ ꠄꠞꠚꠞꠦ ꠝꠥꠢꠣꠝ꠆ꠝꠖ ꠞ ꠇꠥꠞꠍꠤ ꠨ ꠘꠣꠝ ꠨ ꠚꠄꠖꠣꠞ ꠛꠄꠀꠘ ꠈꠞꠣ ꠅꠁꠍꠦ ⁕ ꠄꠞꠛꠣꠖꠦ ꠘꠛꠤꠞ ꠘꠛꠥꠅꠔ ꠚꠣꠅꠀ ꠨ ꠇꠣꠝꠟꠤꠀꠔ ꠨ ꠘꠛꠤꠞ ꠀꠔꠤꠅ ꠀꠞ ꠎꠤꠛꠘꠞ ꠘꠣꠘꠣꠘꠎꠣꠔ ꠊꠐꠘꠣ ꠈꠅꠀ ꠅꠁꠍꠦ ⁕ ꠢꠦꠡꠞ ꠖꠤꠇꠦ ꠁ ꠇꠤꠔꠣꠛ ꠚꠠꠣꠞ ꠘꠤꠅꠝ ꠀꠞ ꠛꠦꠖꠣꠔ ꠟꠁꠀꠅ ꠈꠅꠀ ꠅꠁꠍꠦ ⁕ ꠁ ꠇꠤꠔꠣ ꠅꠁꠟ ꠍꠤꠟꠐꠤ ꠢꠞꠚꠞ ꠡꠛꠌꠣꠁꠔꠦ ꠘꠣꠝꠈꠞꠣ ꠇꠤꠔꠣꠛ ⁕ ꠇꠤꠔꠣꠛꠞ ꠟꠦꠈꠇ ꠝꠥꠘ꠆ꠡꠤ ꠍꠣꠖꠦꠇ ꠀꠟꠤ ꠝꠥꠘꠍꠦꠚ ꠞ ꠁꠟꠝꠞ ꠙ꠆ꠞꠝꠣꠘ ꠁ ꠇꠤꠔꠣꠛ ⁕ ꠀꠁꠎ ꠔꠘꠦ ١☽০ ꠛꠍꠞ ꠀꠉꠦ ꠜꠣꠟꠣ ꠈꠞꠤ ꠡꠤꠇ꠆ꠇꠣꠞ ꠅꠜꠣꠛꠞ ꠡꠝꠄ ꠅ ꠁ ꠛꠁꠅ ꠁꠍꠟꠣꠝꠞ ꠘꠛꠤ ꠝꠥꠢꠣꠝ꠆ꠝꠖꠞ ꠀꠍꠔꠣ ꠎꠤꠛꠘ ꠡꠝ꠆ꠙꠞ꠆ꠇꠦ ꠡꠑꠤꠇꠜꠣꠛꠦ ꠟꠦꠈꠣ ꠈꠥꠛ ꠔꠣꠞꠤꠚꠞ ꠎꠤꠘꠤꠡ ⁕ ꠛꠤꠡꠦꠡ ꠈꠞꠤ ꠘꠛꠤ ꠝꠥꠢꠣꠝ꠆ꠝꠖꠞ ꠇꠥꠞꠍꠤꠞ ꠛꠄꠀꠘ ⁕

⁕ ꠇꠦꠔꠣꠛ ꠢꠣꠟꠔꠥꠘ꠆ꠘꠛꠤ ⁕

xet̪ab ɦalɔt̪unnɔbi

ꠉꠚꠥꠞ ꠞꠢꠤꠝ ꠀꠟ꠆ꠟꠣ ꠇꠣꠖꠤꠞ ꠍꠥꠛꠢꠣꠘ ॥
ꠍꠤꠔꠣꠞꠣꠄ ꠈꠥꠛꠤ ꠖꠤꠟꠣ ꠡꠣꠔ ꠀꠍꠝꠣꠘ ⁕
gɔfuɾ ɾɔɦim alla xadiɾ subɔɦan
sit̪aɾae kubi dila ʃat̪ asman

ꠎꠝꠤꠘꠦꠞ ꠈꠥꠛꠤ ꠖꠤꠟꠣ ꠇꠔ ꠌꠤꠎꠦ ꠀꠞ ॥
ꠡꠇꠟ ꠝꠢꠔꠣꠎ ꠈꠣꠟꠤ ꠉꠘꠤ ꠙꠞꠅꠀꠞ ⁕
zɔmineɾ kubi dila xɔt̪ɔ size aɾ
ʃɔxɔl mɔɦt̪az xali gɔni fɔɾɔaɾ

ꠎꠝꠤꠘ ꠀꠍꠝꠣꠘ ꠎꠦꠍꠣ ꠉꠥꠘꠣ ꠇꠦꠃ ꠇꠞ ॥
ꠀꠟ꠆ꠟꠣ ꠎꠖꠤ ꠌꠣꠄ ꠔꠣꠞ ꠈꠦꠝꠣ ꠖꠤꠔꠦ ꠙꠣꠞꠦ ⁕
zɔmin asman zesa guna xeɔ xɔɾe
alla zɔdi sae t̪aɾ xema dit̪e faɾe

ꠀꠟ꠆ꠟꠣ ꠛꠤꠘꠦ ꠍꠣꠖꠇꠦꠞ ꠟꠇ꠆ꠇ ꠜꠤꠇ ꠘꠣꠁ ॥
ꠀꠝꠣꠞꠦ ꠡꠥꠙꠤꠍꠤ ꠀꠝꠤ ꠝꠣꠛꠥꠖꠦꠞ ꠌꠣꠁ ⁕
alla bine sadɔxeɾ lɔkkɔ bik nai
amaɾe ʃufisi ami mabudeɾ ʈai

ꠢꠎ꠆ꠎꠔꠦ ꠢꠥꠞꠝꠔꠦ ꠘꠛꠤ ꠝꠢꠣꠝ꠆ꠝꠖ ꠞꠍꠥꠟ ॥
ꠎꠦ ꠇꠞꠦ ꠝꠣꠛꠥꠖ ꠀꠟ꠆ꠟꠣ ꠀꠝꠣꠞ ꠇꠛꠥꠟ ⁕
izzɔt̪e ɦuɾmɔt̪e (uɾmɔt̪e) nɔbi mɔɦammɔd ɾɔsul
ze xɔɾe mabud alla amaɾ xɔbul

ꠀꠎꠛ ꠄꠇ ꠢꠣꠖꠤ ꠘꠛꠤ ꠇꠔ ꠉꠥꠘ ꠔꠣꠘ ॥
ꠎꠣꠞ ꠟꠣꠉꠤ ꠙꠄꠖꠣ ꠢꠁꠍꠦ ꠎꠝꠤ ꠀꠍꠝꠣꠘ ⁕
azɔb ex ɦadi (adi) nɔbi xɔt̪ɔ gun t̪an
zaɾ lagi fɔeda ɦɔise (ɔise) zɔmi asman

ꠟꠦꠈꠣꠞ ꠗꠞꠘ

ꠀꠞ ꠎꠦꠍꠣ ꠚꠥꠕꠤꠞ ꠟꠣꠈꠣꠘ ꠁ ꠇꠤꠔꠣꠛ ꠅ ꠟꠦꠈꠣ ꠅꠁꠍꠦ ꠡꠥꠞ ꠀꠞ ꠍꠘ꠆ꠖ ꠝꠤꠟꠣꠁꠀ ⁕ ꠍꠤꠟꠐꠤ ꠝꠣꠔꠞ ꠟꠉꠦ ꠛꠃꠔ ꠀꠞꠛꠤ ꠀꠞ ꠚꠣꠞꠍꠤ ꠛꠥꠟ (ꠡꠛ꠆ꠖ) ꠅ ꠒꠥꠇꠣꠘꠤ ꠅꠁꠍꠦ ꠎꠦꠔꠣ ꠛꠥꠟ ꠍꠤꠟꠐꠞ ꠝꠥꠍꠟꠝꠣꠘ ꠅꠇꠟꠦ ꠢꠞꠢꠣꠝꠦꠡꠣ ꠛꠥꠏꠁꠘ ⁕