Амалия Арт (*28. авґуст 1919. - †3. май 1997.), ґлумица–аматер, член Аматерского театра Петра Ризнича у Руским Керестуре
| Амалия Арт | |
|---|---|
| Народзена | 28. авґуста 1919. |
| Умарла | 3. мая 1997. (78) |
| Державянство | югославянске |
| Язик творох | руски |
| Школа | Основна школа у Руски Керестуре |
| Период твореня | 1936 - 1965 |
| Жанри | аматерска ґлума |
| Похована | На теметове у Вербаше |
Биоґрафия edit
Амалия Бильня ше народзела у Руским Керестуре 28. авґуста 1919. року. Росла на салашу єй оца Михайла Бильнї хтори бул при Новей Червинки. Амалия мала братох Владу и Янка и младшу шестру Меланию. Основну и предлужну школу закончела у Руским Керестуре. Амалия була талантована шпивачка и ґлумица ище як дзивка. Вона була активни член секцийох РНПД у Руским Керестуре, алє теди нє бул звичай призначовац мена учаснїкох у културних програмох, крем гевтих цо ше окреме визначовали, та так нє зазначена анї учасц Амалиї Бильньовей.
Амалия Бильня ше одала 29. мая 1937. року за пекара Михайла Арта у Руским Керестуре и робела з нїм у пекарнї и предавальнї хлєба.
Кед пришла война єй оцец Михал, як симпатизер припаднїкох народноошлєбодительного руху за борбу процив фашизма, на салашу вибудовал базу за скриванє илеґалцох и особох хторих глєдала мадярска власц. 1944. року база була одкрита и мадярски фашисти одведли єй оца Михала Бильню до цемнїци, осудзени бул на велї роки робиї и бул послати до лаґрох у Нємецкей дзе ше му страцел шлїд.
Амалия и Михайло Арт у малженстве мали штири дзивки: Ану, Хилду, Аранку и Татяну.
После ошлєбодзеня Руского Керестура од фашистичного окупатора концом октобра 1944. року, Артова постава єден з найактивнєйших членох Антифашистичного фронта женох у валалє. Медзитим, кед у периодзе национализаци по войни Артовим национализовани дутян, пекарня и жем Михайло и Амалия Арт ше 1955. року одселєли до Вербасу. Амалия там робела у фабрики за продукцию платна а Михайло робел у Поживовей индустриї "Витал".
Амалийова активносц у театре edit
Єй талант за ґлуму и шпиванє ище пред войну замерковал Петро Ризнич Дядя и учленєл ю до свойого Аматерского театра такой по снованю 1949. року як члена старшей ґрупи. У истим року участвовала у виводзеню двох театралних фалатох („Роботнїци” Ф. Костенка и „Лєс” Островского, чия премиєра була на початку 1950).
У периодзе 1949-1954, кед була стаємни член Театра, Амалия Арт витворела 8 замерковани улоги.
У 1955. року ше Амалия Арт зоз фамилию преселєла жиц до Вербасу и престала ше занїмац зоз театралним аматеризмом аж по конєц 1965. року. Теди ю Петро Ризнич знова поволал до Руского Керестура бавиц у театралним фалаце М. Горкого „На дну”. Амалия Арт то дзечнє прилапела и поряднє путовала з Вербасу до Керестура на проби. Була єй то остатня театрална улога у живоце. После того ше поцагла зоз активносци на театралним полю.
Амалия Арт умарла 3. мая 1997. року у Вербаше, дзе є и похована.
Ґлумела у тих театралних фалатох edit
| Рок | Театрални фалат | Улога | Дзе |
|---|---|---|---|
| 1949. | Ф. А. Костенко: РОБОТНЇЦИ | Руски Керестур | |
| 1950. | А. Н. Островски: ЛЄС | „
| |
| 1951. | А. П. Чехов: КАРЧМА НА ГЛАВНЕЙ ДРАГИ | Єфимовна | „
|
| 1951. | И. Котляревски: НАТАЛКА ПОЛТАВКА | Горпина | „
|
| 1952. | И. Тобилевич: МАРТИН БОРУЛЯ | Мац | „
|
| 1952. | И. Тобилевич: СУЄТА | „
| |
| 1953. | М. В. Ґоґоль: МАЙСКА НОЦ | „
| |
| 1953. | М. Кропивницки: ДАЙ СЕРЦЮ НА ВОЛЮ... | „
| |
| 1954. | Евґений М. Кочиш: ВОНА НЄВИНОВАТА | Маря | „
|
| 1966. | Максим Горки: НА ДНУ | Квашня | „
|
Литература edit
Дюра Латяк: Амалия Арт родз. Бильня, ґлумица–аматер, член Аматерского театра Петра Ризнича у Руским Керестуре - 50 роки Драмского меморияла Петра Ризнича Дядї, Завод за културу войводянских Руснацох, НВУ Руске слово и Дом култури Руски Керестур, Нови Сад, 2018, бок 123-124.
Vladimir Biljnja: Rusini u Vojvodini, Dnevnik, Novi Sad, 1987. str. 154-155, str. 175.