Wp/mag/रामायण

ई लेख संस्कृत महाकाव्य के बारेमे हे । अन्य प्रयोग लागि, Wp/mag/रामायण (बहुविकल्पी) देखहू ।

रामायण (संस्कृत : रामायणम् = राम + आयणम् ; शाब्दिक अर्थ : 'रामके जीवन-यात्रा'), वाल्मीकि द्वारा रचित संस्कृत महाकाव्य हे जेकरामे श्रीरामके गाथा हे । एकरा आदिकाव्य आउ एकर रचयिता महर्षि वाल्मीकिके 'आदिकवि'यो कहल जाहे । संस्कृत साहित्य परम्परामे रामायण आउ महाभारतके इतिहास कहल गेलैहे आउ दूनो सनातन संस्कृतिके सबसे प्रसिद्ध आउ लोकप्रिय ग्रन्थ हे । रामायणके सात अध्याय हे जे काण्डके नामसे जानल जाहे । एकरामे कुल लगभग २४,००० श्लोक हे । सतमा उत्तरकाण्ड प्रक्षिप्त हे, तत्वमार्तण्डोमे उत्तरकाण्डके प्रक्षिप्त मानल गेलैहे । ओकरा बादके संस्कृत आउ अन्य भारतीयभाषाके साहित्य पर ई महाकाव्यके बड्डी प्रभाव हे आउ रामकथाके लेके अनेक 'रामायण' रचल गेलै ।

Template:PAGENAMEBASE
राम द्वारा रावणके वध, एगो शाही मेवाड़ पाण्डुलिपिसे, १७मा शताब्दी
जानकारी
धर्म	हिन्दुधर्म
लेखक	वाल्मीकि
भाषा	संस्कृत

हिन्दुधर्म श्रेणी
इतिहास · देवता
सम्प्रदाय · पूजा ·
आस्थादर्शन
पुनर्जन्म · मोक्ष
कर्म · माया
दर्शन · धर्म
वेदान्त ·योग
शाकाहार शाकम्भरी  · आयुर्वेद
युग · संस्कार
भक्ति {{Wp/mag/हिन्दुदर्शन}}
ग्रन्थशास्त्र
वेदसँहिता · वेदाङ्ग
ब्राह्मणग्रन्थ · आरण्यक
उपनिषद् · श्रीमद्भगवद्गीता
रामायण · महाभारत
सूत्र · पुराण
शिक्षापत्री · वचनामृत
सम्बन्धित
विश्वमे हिन्दुधर्म
गुरु · मन्दिर देवस्थान
यज्ञ · मन्त्र
हिन्दु पौराणिककथा  · हिन्दुपर्व
विग्रह
प्रवेशद्वार:हिन्दुधर्म
हिन्दु मापनप्रणाली

रचनाकाल

मान्यतानुसार रामायणके समय त्रेतायुगके मानल जा है‌। गोवर्धन पीठ के शंकराचार्य श्री निश्चलानन्द सरस्वती प्रभृति सन्तके अनुसार श्रीराम अवतार श्वेतवाराह कल्पके सतमा वैवस्वत मन्वन्तर के चौबीसमा त्रेता युगमे होलै हल जेकर अनुसार श्रीरामचन्द्र जी के काल लगभग पौना दु करोड़ वर्ष पूर्व के है । एकर सन्दर्भमे विचार पीयूष, भुशुण्डि रामायण, पद्मपुराण, हरिवंश पुराण, वायु पुराण, सञ्जीवनी रामायण एवं पुराणसे प्रमाण देल जा है ।

ई महाकाव्यके ऐतिहासिक विकास आउ संरचनागत परतके जानेला ढेर प्रयास कैल गेलै हे । आधुनिक विद्वान एकर रचनाकाल ७मासे ४मा शताब्दी ईसा पूर्व मानऽ हथिन । कुछ विद्वान त एकरा तीसरा शताब्दी ई तकके रचना मानऽ हथिन । कुछ भारतीय कहऽ हैथिन कि ई ६०० ईपू से पहिले लिखल गेलै । ओकर पीछे तर्क ई है कि महाभारत, बौद्धधर्मके बारेमे मौन है जखनकि ओकरामे जैन, शैव, पाशुपत आदि अन्य परम्परा के वर्णन है । महाभारत, रामायणके पश्चात् रचित है, अतः रामायण गौतम बुद्धके कालके पूर्वके होवेके चाही । भाषा-शैलीके अनुसारो रामायण, पाणिनिके समयसे पहिलेके होवेके चाही ।

“

रामायण के पहिला आउ अन्तिम काण्ड सम्भवतः बादमे जोड़ल गेलै हल । अध्याय दु से सात तक ज्यादातर ई बात पर बल देल जा है कि राम विष्णु के अवतार हलथिन । कुछ लोग‌के अनुसार ई महाकाव्यमे यूनानी आउ ढेर अन्य सन्दर्भसे पता चलऽहै कि ई पुस्तक दोसरा सदी ईसा पूर्व से पहिले के न हो सकऽहै पर ई धारणा विवादास्पद है । ६०० ई०पू० से पहिलेके समय एहुसे ठीक है कि बौद्ध जातक रामायणके पात्रके वर्णन करऽहै जखनकि रामायणमे जातकके चरित्रके वर्णन न है ।

„

संक्षेप मे रामायण-कथा

हिन्दु शास्त्र के अनुसार भगवान राम, विष्णु के मानव अवतार हलथिन । ई अवतार के उद्देश्य मृत्युलोक मे मानवजाति के आदर्श जीवन ला मार्गदर्शन देल हलै । अन्ततः श्रीराम राक्षस के राजा रावण के वध कैलथिन आउ धर्म के पुनर्स्थापना कैलथिन ।

रामायण मे सात काण्ड है - बालकाण्ड, अयोध्यकाण्ड, अरण्यकाण्ड, सुन्दरकाण्ड, किष्किन्धाकाण्ड, लङ्काकाण्ड आउ उत्तरकाण्ड ।

बालकाण्ड

मुख्य लेख: बालकाण्ड

अयोध्या नगरी मे दशरथ नाम के राजा होलथिन जिनकर कौशल्या, कैकेयी आउ सुमित्रा नामक पत्नी सब हलथिन । सन्तान प्राप्ति हेतु अयोध्यापति दशरथ अपन गुरु श्री वशिष्ठ के आज्ञा से पुत्रकामेष्टि यज्ञ करौलन जेकरा ऋंगी ऋषि सम्पन्न कैलन ।

देवदूत द्वारा दशरथ के खीर देल, चित्रकार हुसैन नक्काश आउ बासवान, अकबर के जयपुर रामायण से

भक्तिपूर्ण आहुतिसब पाके अग्निदेव प्रसन्न होलन आउ ऊ स्वयं प्रकट होके राजा दशरथ के हविष्यपात्र (खीर, पायस) देलथिन जेकरा कि ऊ अपन तीनो पत्नि मे बाँट देलन । खीर के सेवन के परिणामस्वरूप कौशल्या के गर्भ से राम के, कैकेयी के गर्भ से भरत के आउ सुमित्रा के गर्भ से लक्ष्मण आउ शत्रुघ्न के जन्म होलै ।

सीता स्वंयवर (चित्रकार: रवि वर्मा)

राजकुमार सब के बड़ होवे पर आश्रम के राक्षस से रक्षा हेतु ऋषि विश्वामित्र राजा दशरथ से राम आउ लक्ष्मण के मांग के अपन साथ ले गेलन । राम ताड़का आउ सुबाहु नियन राक्षस सब के मार देलन आउ मारीच के बिन फल वाला बाण से मार के समुद्र के पार भेज देलन । ओने लक्ष्मण राक्षस सब के सब सेना के संहार कर दलन । धनुषयज्ञ हेतु राजा जनक के निमन्त्रण मिले पर विश्वामित्र राम आउ लक्ष्मण के साथे उनकर नगरी मिथिला (जनकपुर) आ गेलन । रस्तैया मे राम गौतम मुनि के स्त्री अहल्या के उद्धार कैलन । मिथिला मे आके जखनी राम शिवधनुष के देखके उठावे के प्रयत्न करे लगलन तखनी ऊ बीचे से टूट गेलै आउ जनकप्रतिज्ञा के अनुसार राम सीता से विवाह कैलन । राम आउ सीता के विवाह के साथे साथे गुरु वशिष्ठ भरत के माण्डवी से, लक्ष्मण के उर्मिला से आउ शत्रुघ्न के श्रुतकीर्ति से करवा देलन ।

अयोध्याकाण्ड

मुख्य लेख: अयोध्याकाण्ड

राम के विवाह के कुछ समय पश्चात् राजा दशरथ राम के राज्याभिषेक कैल चाहलन । तखनी मन्थरा,जे कैकेयी के दासी हलै, ऊ कैकेयी के बुद्धि के फेर देलकै । मन्थरा के सलाह से कैकेयी कोपभवन मे चल गेलै । दशरथ जखनी मनावे ऐलन त कैकेयी उनका से वरदान मांगलन कि भरत के राजा बनावल जाये आउ राम के चौदह वर्ष ला वनवास मे भेज देल जाये ।

राम के साथे सीता आउ लक्ष्मणो वन चल गेलन । ऋंगवेरपुर मे निषादराज गुह तीनो के बड़ी सेवा कैलक । कुछ आनाकानी करे के बाद केवट तीनो के गंगा नदी के पार उतारकै । प्रयाग पहुँच के राम भारद्वाज मुनि से भेंट कैलन । ओहाँ से राम यमुना स्नान करित वाल्मीकि ऋषि के आश्रम पहुँचलन । वाल्मीकि से भेल मन्त्रणा के अनुसार राम, सीता आउ लक्ष्मण चित्रकूट मे निवास करे लगलन ।

अरण्यकाण्ड

मुख्य लेख: अरण्यकाण्ड

किष्किन्धाकाण्ड

मुख्य लेख: किष्किन्धाकाण्ड

सुन्दरकाण्ड

मुख्य लेख: सुन्दरकाण्ड

लंकाकाण्ड (युद्धकाण्ड)

मुख्य लेख: लंकाकाण्ड

उत्तरकाण्ड

मुख्य लेख: उत्तरकाण्ड

एकरो देखी

• श्रीराम
• विभिन्न भाषामे रामायण
• रामचरितमानस
• महाभारत