बैसाली मण्डल या वैशाली मण्डल (वैशाली जिला; बज्जिका/मैथिली: वैशाली मण्डल/𑒫𑒻𑒬𑒰𑒪𑒲 𑒧𑒝𑓂𑒛𑒪) बिहार राज्जके तिरहुत प्रमण्डलके एगो मण्डल हे । मुजफ्फरपुरसे अलगे होके १२ अक्टुबर् १९७२ के बैसाली एगो अलग मण्डल बनलै । बैसाली मण्डलके मुख्यालय हाजीपुरमे हे । बज्जिका आउ मगही हिँयाके मुख्यभाषा हे । ऐतिहासिक प्रमाणके अनुसार बैसालीयेमे बिश्वके सबसे पहिला गणतन्त्र कायम करल गेलहल । बैसाली मण्डल भगवान् महाबीरके जनमस्थली होवेके चलते जैनधरमके मतावलम्बीला एगो पवित्र नगरी हे । भगवान् बुद्धके ई धरतीपर तीन बार आगमन होलै । भगवान् बुद्धके समय सोलह महाजनपदमे बैसालीके स्थान मगहके समान महत्त्वपूर्ण हल । ऐतिहासिक महत्त्वके होवेके अतिरिक्त आज ई मण्डल राष्ट्रीय स्तरके कई सन्स्थान आउ केला, आम आउ लीचीके उत्पादनोला जानल जाहे । हिँया एगो प्रसिद्ध बरैला झील हई जेकि २६३ एकड़मे फैलल हे ।