Wp/mag/तमिल्भाषा

< Wp‎ | mag
Wp > mag > तमिल्भाषा

तमिल् (தமிழ்) एगो सास्त्रीय द्राबिड़ीयभाषा हे जे मूलरूप से दक्खिन एसियाके तमिल् जनद्वारा बोलल जाहे । तमिल् भारतीयराज्ज तमिल्नाडु, श्रीलङ्का आउ सिङ्गापुर सम्प्रभुराष्ट्र आउ केन्द्रसासितप्रदेस पुडुचेरीके एगो अधिकारिकभाषा हे । तमिल् चार अन्य दक्खिन भारतीयराज्ज केरल, कर्नाटक, आन्ध्रप्रदेस आउ तेलङ्गाना आउ अण्डमान आउ निकोबार दीपसमूह केन्द्रसासितप्रदेसमे महत्वपूर्ण अल्पसङ्ख्यकद्वारा बोलल जाहे । ई मलेसिया, म्यान्मार्, दक्खिन अफ्रीका, यूनाइटेड् किङ्ग्डम्, सञ्जुक्तराज्ज अमरिका, कनाडा, ऑस्ट्रेलिया आउ मॉरीसस् सहित बड्डी देसके तमिल् प्रवासीयोद्वारा बोलल जाहे । तमिल् मूलरूप से श्रीलङ्कायी मूरोद्वारा बोलल जाहे । भारतके सम्बिधानमे २२ अनुसूचितभाषामे से एक, तमिल्के पहिला बेर भारतके सास्त्रीयभाषाके रूपमे बर्गीकृत करल गेलीहल ।

तमिल् बिश्वमे सबसे लम्बा समय तक जीवित रहेवाला सास्त्रीयभाषामे से एक हे । ए के रामानुजन् एकरा "समकालीन भारतके एकमात्र भाषाके रूपमे बर्नित करलथिनहे जे एगो सास्त्रीय अतीतके सङ्गे पहचाने जोग्य हे" । सास्त्रीय तमिल् साहित्यक बिबिधता आउ गुनवत्ता एकरा "बिस्वके महान सास्त्रीय परम्परा आउ साहित्यमे से एक" के रूपमे बर्नित करकैहे । रिकॉर्ड् करल तमिल् साहित्तके २००० से बेसी बरस से प्रलेखित करल गेलीहे । तमिल् साहित्तके प्रारम्भिककाल, सङ्गमसाहित्त, ३०० ईपू से ३०० ई तक दिनाङ्कित हे । एकरा जूगुन द्राबिड़ीयभाषामे सबसे पुराना साहित्य हे । सबसे पुराना एपिग्राफिक् रिकॉर्ड् रॉक् एडिट्स् आउ 'हीरो स्टोन्स्' लगभग तीसरा सताब्दी ईसा पूर्व के हे । भारतीय पुरातत्व सर्वेक्षनद्वारा भारतमे पाएल गेल एक लाख बिसम सिलालेखमे से लगभग ६०,००० तमिल्नाडुमे हे । ओकरामे से अधिकान्स तमिल्मे हे, अन्य भाषामे खाली लगभग ५ प्रतिसत हे। ब्राह्मीलिपिमे लिखल गेल तमिल्भाषाके सिलालेख श्रीलङ्कामे आउ थाईलेण्ड् आउ मिस्रमे ब्यापारिक बस्तु पर खोजल गेलीहे । १९९७ आउ २००५ मे यूनेस्को मेमोरी ऑफ् द वर्ल्ड् रजिस्टर् द्वारा स्वीकृत आउ पञ्जीकृत भारतके दू सुरुआती पाण्डुलिपि तमिल् मे लिखल गलीहल ।

१५७८ मे पुर्तगाली ईसाई मिसनरा थम्बीरन् वणक्कं नामसे पुराना तमिल्लिपिमे एगो तमिल् प्रार्थना पुस्तक प्रकासित करकै, जेकरासे तमिल् पहिला भारतीयभाषा बन गेलै जे मुद्रित आउ प्रकासित होलै । मद्रास बिस्वबिद्यालय द्वारा प्रकासित तमिल् लेक्सिकन्, भारतीय भाषामे प्रकासित होवेवाला सुरुआती सब्दकोसमे से एक हलै । २००१ के एगो सर्वेक्षनके अनुसार, तमिल् मे १,८६३ समाचारपत्र प्रकासित होलै, जेकरामे से ३५३ दैनिक हलै ।

एकरो देखी

edit

सन्दर्भ

edit