अरुणाचलप्रदेस (अरुणाचलप्रदेश) भारतके एगो उत्तरपूरबी राज्ज हे । सन्स्कृतमे अरुणाचलके अर्थ "उगैत सूरजके पर्बत" हे (अरूण + अचल ; 'अचल' के अर्थ 'न चलेवाला' = पर्बत होवहै) ।
प्रदेसके सीमा दक्खिनदन्ने असम दक्खिनपूरबदन्ने नागालॅण्ड् पूरुदन्ने म्यान्मार्/बर्मा पच्छिदन्ने भूटान आउ उत्तरदन्ने तिब्बत् से मिलहै । ईटानगर राज्जके राजधानी है । प्रदेसके बोलचालके मुख्यभाषा हिन्दी है । अरुनाचलपरदेस चीनके तिब्बत् स्वायत्तक्षेत्रके साथे १,१२९ किलोमीटरके सीमा साझा करहै ।
भारतके जनगनना २०११ के अनुसार, अरुणाचलप्रदेसके जनसङ्ख्या १,३८२,६११ आउ ८३,७४३ बर्गकिलोमीटर् के क्षेत्रफल हे । ई नैतिकरूपसे बिविधराज्ज हे, जेकरामे मुख्यरूपसे पच्छिदन्ने मोनपा लोग, केन्द्रमे तानीलोग, पूरुदन्ने ताईलोग आउ राज्जके दक्खिनमदन्ने नागालोग हथिन ।
राज्यके एगो बड़का भाग दक्खिनतिब्बतके भागके रूपमे चीन जनवादीगनराज्ज आउ चीन गणराज्ज (ताइवान्) दुनोद्वारा दावा करल जाहे । १९६२ के भारत-चीन युद्धमे, अरुणाचलप्रदेसके आधोसे बेसी भागपर चीनी पीपल्स् लिबरेसन् सेना अस्थायीरूपसे कब्जा कर लेलकैहल । फिन चीन एकतरफा युद्धबिराम घोसित करदेसकै आउ ओकर सेना मैकमहोन् रेखाके पीछे लौट गेलै ।
भौगोलिक दृष्टिसे पूर्बोत्तरके राज्जमे ई सबसे बड़का राज्ज है । पूर्बोत्तरके अन्य राज्ज नियन ई प्रदेसोके बेकत तिब्बती-बर्मी मूलके हथिन । बर्तमान समयमे भारतके अन्यभागसे बड़ी लोग आके हिँया आर्थिक आउ सान्स्कृतिक गतिबिधि करहथिन ।
सम्बन्धित लेख
editसन्दर्भ
edit