Wp/liv/Vāldakrīevõmō

Vāldakrīevõmō Беларусь Белоруссия
Plagā Vapp
Himn	Мы, беларусы
Pǟjālgab	Minsk
Mōmūoḑ	Vabāmō
Mōkēļ	vāldakrīevõ, krīevõ
Jūodiji - Prezident - Pǟministõr	Aļaksāndr Lukašēnka Michail Mjasnikovitš
Teritōrij	207 600 km²
Rovst	9 689 800 (2007)
Allizpanmiz	1991
Rō	rubla
Āigavīrkiz	UTC+2
Ladādomēn	.by
Telefonikōd	+375

Vāldakrīevõmō um mō bäz mier-rubīžḑi Ūomõg-Eirōpõs. Täm pǟjālgab ja amā sūŗimi jālgab um Minsk. Kilgs um Krīevõmō, Ukraina, Pūoļmō, Leišmō ja Leţmō.

Vāldakrīevõmō pīnda um 207 600 kvadrāţ-kilomētõrt ja rov-lug: 9 658 000 (2009). Sīe kīeld ātõ vāldakrīevõ ja krīevõ kēļ. Usk um rištusk, pǟažāliztõks krīevõ-usk, ka katōļusk betimmõr pūold rištīngd āt mittõ-usklizt. Vāldakrīevõmō pūoj jags jūokšõb Vēna agā Dzvina joug; Mōgõr-Vāldakrīevõmōl jūokšõb Dniepr jedāl-pēḑõn ja Pripet joug iļīz-jūokš pǟl ātõ laigād sūod. Neman joug jūokšõb vežgõr-pēḑõn. Sūrimõd jālgabõd ātõ Minsk, Homeļ, Mahiļov ja Vitsebsk. Vīļa kazātimi um tǟdzi jag Vāldakrīevõmō kuodāndimizõs bet mittõ nei tǟdzi až jedmõl.

Vāldakrīevõmō valst-jūodiji um prezident. Kuigid vāldakrīevõdõn um eņtšvīţi kēļ ja identitāte, äb ūo ne vȯnnõd īž-pīlõbõd jedmõl āigastõ 1991 až mittõ luggõ lītizt aigõ āigasts 1918.

Siedā mōjiztõ mōgõr-slāvlizt, kis pūojtiztõ sǟl 10 āigastsadās Polotsk first-vald.

Polatsk firstõn maksīztõ maksīz maksõ ka Vēna līvlizt.

Vidū-āigal Leišmō ja obbõm Pūoļmō vōlikšiztõ iļ Vāldakrīevõmō. 18 āigastsadā lopāndõksõs ei ta Krīevõmōlõ pierrõ kuolmõndtõ Pūoļmō jaggimizt. Pierrõ I mōīlmasuodā Vāldakrīevõmō vežgõr-jag ei Pūoļmōlõ ja mōgõr-jagstõ sai Nõvkub Īt teritōrij — Vāldakrīevõmō Nõvkub Sotsialistli Republik. Pierrõ Tuoizta mōīlmasuodā jūrõ-paņtõ sīenkõks ka Vāldakrīevõmō vežgõr-jag. Vāldakrīevõmō sai kajjõ pierrõ Tšernobõļ tierā-elektõr-statsij nälāimõ āigasts 1986 mis ajīz vegliz pǟgiņd rištīngd urgõm kuodist. Āigastõst 1991 sōņõ um Vāldakrīevõmō īž-pīliji valst. Prezident Lukašenka tōž ležglizt ītõ Krīevõmōkõks bet se äb vȯņštõn.

Eirop mōd Ūomõgeirōp Slovākij • Moldov • Ukrain • Tšehij • Pūoļmō • Rumāņmō • Krīevõmō • Ungārmō • Vāldakrīevõmō Pūojeirōp Dēņmō • Īsland • Ēstimō • Sūomõmō • Lețmō • Leišmō • Norvēgmō • Īrõmō • Sūr Britānij • Rūotšmō  • Fēru Salas [lv] Jedāleirōp Albānij • Andorra • Vatikan •  • Bosnij-Hertsegovina • Horvātij • Slovēnij • Grīekmō • Itāļmō • Montenegro • Portugāl • San Marino • Serbij • Spāņmō • Malta • Makedōnij • Bulgārij • Kosovo Ȭdõgeirōp Austrij • Šveits • Saksāmō • Liechtenstein • Luksemburg • Monako Madālmōd • Prantsūzmō • Beļgij