Wikimedia Incubator

Wp/kum/Ата Вагьит Атаны уланы

< Wp | kum
Wp > kum > Ата Вагьит Атаны уланы

Ата Вагьит Атаны уланы Эрпелили (5-нчи гулжан 1934-нчю йыл, Эрпели) — белгили, яшлар учун къумукъ тилде язагъан шаир.

Шаирликден къайры кёп йылланы узагъында муаллим болуп ишлеген.

Агьлюсю

edit

Ата Вагьит ислам дин илмуланы охугъан, арап тилни де билеген Ата Эрпелилини агьлюсюнде тувгъан. Ону бир къызардашы болгъан - Зарипат, ол да белгили язывчу эди.

Яшав ёлу

edit

Вагьитни яшлыгъы Уллу Ватан дав вакътиде оьтген. Эрпелидеги мактапны охуп битген сонг ол оьр билимге охугъан.

1961-нчи-2000-нчи йылларда Темирхан-Шураны юрт-хозяйство техникумуны муаллими ва сонг ёлбашчысыны тарбиялав орунбасары болуп ишледи. 2000-нчи йылдан 2009-нчу йылгъа ерли Герценни атындан Русия гьукумат муаллимлер гьазирлейген охув ожакъны Дагъыстандагъы бёлюгюню ёлбашчысыны орунбасары болуп ишледи. 2009-нчу йылдан гьалиге ерли Ата Вагьит театргъа пьесалар язмакъгъа урунгъан. Ону макъалалары, шиърулары, хабарлары «Комсомолец Дагестана», «Ленин ёлу» газетлерде «Тангчолпан», «Женщина Дагестана», «Соколёнок» журналларда чыкъгъан.

Натижалары ва савгъатлары

edit

СССР-ни язывчуларыны союзуну члени. Ол 16 шиъру китап чыгъаргъан, 3 пьеса язгъан. П.Ершовну атындагъы Бютюнроссия конкурсну лауреаты. А.Грибоедовну, М.Лермонтовну медаллары булан да, Россияны язывчуларыны союзуну, ДАССР-ни Оьр Советини Президиумуну гьюрметлев грамоталары булан да, оьзге тюрлю дипломлар булан да савгъатлангъан. Вагьит Атаевни китаплары къумукъ тилден къайры, орус, тюрк, балкъар тиллерде де чыкъгъан. Ону шиърулары Дагъыстан Республиканы ва Темиркъазыкъ Кавказны халкъларыны тиллерине де гёчюрюлген. Шиъруларыны бирлери къумукъ дарсланы китапларына гирген, 50- ден артыкъ шиърусуна гёре белгили композиторлар йыр макъамлар язгъан. Оланы кёбюсю къумукъ радиодан бериле, школаларда яшлагъа багъышлангъан адабият чараларда, адабият ахшамларда къоллана.

- Дагъыстанны ат къазангъан муаллими.

- 1998-нчи йылдан башлап Ата Вагьит Язывчуланы Союзуну ортакъчысы.

Китапханасы

edit

Яшлар учун

  • «Баю-бай»
  • «Оьрдек бала»
  • «Гюлайлан»
  • «Вёре айтма атама»
  • «Мишик ва чапелек»
  • «В объятиях детства»
  • «Дети -цветы жизни»

Уллулар учун

  • «Танг яхшы болсун»
  • «Я люблю тебя жизнь»

2010-нчу йыл Туркияда "Мишик ва чапелек" деген китабы чыкъды.

Байланывлар

edit
Retrieved from "https://incubator.wikimedia.org/w/index.php?title=Wp/kum/Ата_Вагьит_Атаны_уланы&oldid=6019150"