Wp/kum/Эрпели

Эрпели — Темирханшура якъда ерлешген къумукъ юрт.

Жугърафи ерлешивю

Гьамри тавлар тюбюнде, Эрпели-оьзенни ягъасында, Буйнакск шагьардан гюнбатыш янына багъып 12 чакъырым арекде.

2010-нчу йылдагъы гьисап алывгъа гёре — 3412 адам. Таза къумукъ юрт.

Эрпели бийлик XVI асруну ахырында белгиленген. Бу бийликге гире болгъан: Оьрдеги ва Тёбенги Эрпели, Ишарты, Мадигин, Оьр ва Тебен Къарнай ва Ахатлы.

Апаш Даниял Апаш-Маманы уланы — Дагъыстанда 1914-нчу йылдан 1920-нчы йылгъа ерли джамият-сиясат чалышывчусу. 1919-нчу йылдан башлап Темиркъазыкъ Халкъланы Бирлешивюню Жумгьуриятыны вакиллерини жыйыныны ёлбашчысы.
Бийболат Шихаммат къади Эрпелили, XIX асру - ата юртуну къадиси, шаир ва язывчу, къумукъ адабият тилни къажар ва башгъа тиллерден гелген сёзлерден тазалавну якълавчусу.
Сайитнур Дадам Османны уланы — Дагъыстанны халкъ артисти.
Жачай Агьмат Муталимни уланы — Дагъыстанны халкъ язывчусу.
Устархан Агьмат Абдулмаджитни уланы — яшлар учун къумукъ тилде язывчу, муаллим.
Устаргьан Рукъуят Агьматны къызы - шаир, язывчу, маданият чалышывчу.
Атай Вагьит Атайны уланы Эрпелили - яшлар учун къумукъ тилде язывчу, муаллим.