Wp/krl/Vienankarjala (murreh)

Vienankarjala on yksi karjalan kielen piämurtehista, kumpasta voijah pityä niise eri kielenä. Vienakši pakajau 35 000 ihmistä piäšiešša Vienašša.

Vienankarjalan puhuma-aloveh keltaruškiella

Vienankarjalan puhuma-aloveheh on ammuin kuulun koko Karjalan tašavallan pohjasošan šekä Šuomešta Šuomuššalmen Hietajärven ta Kuivajärven kylät i Kuhmon Rimmin kylän. Šuomešša vienankarjalan kieli on korvautun šuomen kielellä ta šamoin Karjalašša šen on ušeičči korvannun venäjä. Nykyjäh vienankarjalua paissah piäšiešša Kalevalan kanšallisen piirin, Louhen piirin a Koštamukšen linnapiirin alovehilla.

Vienan karjalan murtehešša on enämpi š [šee] kirjainta kuin muissa karjalan murtehissa ta še on lähimpänä šuomie karjalan kielen murtehista. Šuomelaini malttau äijän enämpi vienan murrehta kuin muita karjalan murtehie ta šuattau tyyten paissa vienalaisen kera.