Wp/krl/Venäjän kieli

Venäjän kieli (venäjäkši русский язык, russki jazyk) on šuurin slavilaini kieli. Še kuuluu itäslavilaisih kielih, kumpasih kuulutah niise ukraina, valkovenäjä ta ruteni. Venäjän kieltä pakajau läššä 275 miljonua ihmistä ta še on muamonkieli läššä 165 miljonalla. Venäjyä kirjutetah kirillisellä kirjaimikolla.

Venäjän puhuma-aloveh

Venäjän kieli on Venäjän virallini kieli ta šillä on virallisen kielen asema niise Kazahstanissa ta Valko-Venäjällä. Venäjyä paissah muuvvallaki Iččenäisien valtivoijen liiton maissa ta esimerkiksi Mongolijašša. Venäjän kieli on yksi Yhistyneijen kanšakuntien kuuvvešta virallisešta kieleštä. Venäjän kieli oli ennein Neuvoštoliiton virallini kieli. Venäjän kieli on yksi muajilman kahekšašta šuurimmašta kieleštä.

Venäjän kieltä pakajau muamonkielenä läššä 161,7 miljonua ihmistä, kumpasista 137 miljonua eläy Venäjällä. Vierahana kielenä šitä malttau noin 110 miljonua. Venäjän federatijon lisäkši še on virallini kieli Kazahstanissa, Kirgisijašša ta Valko-Venäjällä. Venäjän kielellä on alovehellisen vähemmistökielen statussi Šuvi- ta Itä-Ukrainašša. Tadžikistanissa venäjän kieli on virallisen kanšojen välisen viessintäkielen asemašša. Baltijan maissa ta Israelissa eletäh šuuret venäjänkieliset vähemmissöt. Šen lisäkši muijen kešeššä Azerbaidžanissa, Uzbekistanissa ta Mongolijašša monet maltetah venäjyä vierahana kielenä.

Kirjaimikko

Nykyvenäjän kirjaimet pohjaututah piäošin vuuvven 1708 kirilliseh kirjaimikkoh. Niitä on 33:

А а	Б б	В в	Г г	Д д	Е е	Ё ё
Ж ж	З з	И и	Й й	К к	Л л	М м
Н н	О о	П п	Р р	С с	Т т	У у
Ф ф	Х х	Ц ц	Ч ч	Ш ш	Щ щ	Ъ ъ
Ы ы	Ь ь	Э э	Ю ю	Я я