Koštamuš (šuomekši Kostamus, venäjäkši Костомукша) on vuotena 1983 peruššettu Karjalan tašavallan linna, kumpasešša eli vuotena 2015 29 356 henkie. Koštamuš muuvvoštau oman linnapiirin ta on kolmannekši šuurin Karjalan tašavallan linnoista Kontupohjan ta Petroskoin jälkeh. Koštamuš šijaiččou Karjalan pohjaspuolella, läntisellä ylänköllä 30 kilometrin piäššä Šuomen ta Venäjän čeristä. Petroskoih matkua on 490 kilometrie ta Piiterih 930 kilometrie.
Koštamukšen linnapiirih kuulutah keškušlinna Koštamuš ta Vuokkiniemen kylän aloveh, kumpani liitettih piirih Kalevalan piiristä Koštamukšen kaivošlinnan ruokahuollon turvuamisekši. Linnašša on šuuri vuoritevollisuškombinatti.[1]
Elettävät paikat
edit.jpg)
Koštamukšen linnapiirissä on šeiččemen elettävyä paikkua:
- Koštamuš (ven. Костомукша, Kostomukša)
- Latvajärvi (Ладвозеро, Ladvozero)
- Ponkalahti (Поньгагуба, Pongaguba)
- Tollonjoki (Таллорека, Talloreka)
- Venehjärvi (Суднозеро, Sudnozero)
- Vuokkiniemi (Вокнаволок, Voknavolok)
- Sarečni (Заречный, Zaretšnyi)