Wp/krl/Venäjä

< Wp‎ | krl
(Redirected from Wp/krl/Venä)
Wp > krl > Venäjä

Venäjä (venäjäkši Россия, Rossija), virallisesti Venäjän federatijo (venäjäkši Российская Федерация) on muajilman šuurin valtijo; šen pinta-ala 17 075 400 nelijökilometrie. Mua ulottuu šekä Europpah jotta Asijah. Venäjän piäkaupunki on Moskova (venäjäkši Москва) ta toisekši šuurin linna on Itämeren rannalla šijaiččija Piiteri. Muašša on noin 145 953 200 eläjyä (vuotena 2020). Virallini kieli on venäjä, ka eritenki muan pohjos- ta itäošissa i Kaukazin alovehella on äijän erilaisie vähemmistökielie, kumpasilla ei ušeičči ole virallista ašemua. Presidenttinä ruatau Vladimir Putin.

Venäjän flagu
Venäjän šijainti
Venäjän vuakuna

Venäjän ieltäjä oli kommunistini Neuvoštoliitto, kumpani hajosi vuotena 1991. Šitä ennein oltih Neuvošto-Venäjä ta lyhytaikani Venäjän tašavalta i Venäjän keisarikunta ta Moskovan Venäjä. Venäjä on ošallistun lähi-istorijassa ušeih šuurih voinih, ta še oli yksi toisen muajilmanvoinan voittajavaltijoista. 2000-luvulla Venäjä on käyn voinie vuotena 2008 Gruzijašša ta vuuvvešta 2014 ielleh Ukrainašša.