Rozê, mı wast ke phepugi sero çiyê bınusni. Qısaweta xo ra, mı va eceva Tırki de cı rê sevanê?
Ravêr ferhengê M. Çemi de mı nia da. Pelga 323ine de vano ibibik, guguk kuşu. Dustê diksılêmani (hophopıke) de uncia ibibik nusno. Hama ez zanon ke Tırki de ibibik ve guguki ra zu theyr niyê, zovinaê.
Nafa ki mı, ferhengê Malmisanıji de nia da. Uza ki uncia ibibik, guguk nuşiyo. Mı ni ferhengi ca verday, qaytê kıtavanê binu biyune. Kıtavo ke M. Düzgüni taê lawıkê Dêsımi tede ardê pêser, mı yi de nia da. (dewamê cı...)
Mamekiye
Mamekiye
Mamekiye (Tırki: Tunceli) jü suka Zazauna. Caê ho Tırkiya de şerqê Anadoliye dero. Namê merkezê Dêsımi Mamekiya. Dormê Dêsımi de, hetê zımey de Erzıngan, rozakotene de Çewlıg (Bingol) u veroz de Xarpêt (Eleziz) estê.
Hardê Dêsımi zaf koino u 7.406 (hot hezar u çarsey u ses) km²o. Hewaê Dêsımi zımıstani zaf serdıno u zaf vore vorena; amnani ki zaf germıno.
