Bangladesh joda da nagara di Asia Hulu, say ibukutana di Dhaka. Nagara hasa bubatasan rik India di darak, topi, rik liba na, Myanmar dikabolah tenggara, rik Teluk Benggala di hulu.
Bandira
|
Lambang
|
Gambar Wilayah.svg)
| |
| Samboyan: - | |
| Lagu Kabangsoan: আমার সোনার বাংলা Amar Sonar Bangla Bahasa Komering: Sija Emas Banglaku | |
| Informasi Dasar | |
|---|---|
| Indok Bandar | Dhaka |
| Borak Wilayah | 148.460 km² |
| Basa | Bengali |
| Suku Bangsa | Bengali 98,2-99% Barihna 1-1,8% |
| Jumlah Panduduk | 170 juta jiwa |
| Agama | Islam 91,04% Hindu 7,95% Buddha 0,61% Kristen 0,30% Barihna 0,12% |
| Pamarintah | Presiden Mohammed Shahabuddin Pardano Mantori Sheikh Hasina |
| Mata Uang | Taka (৳) (BDT) |
| Zona Waktu | UTC+6 |
| Informasi Barihna | |
| Lajur Kamudi | Kiri |
| Kode Talipon | +880 |
| Banua | Asia |
| Kode Internet | .bd .বাংলা |
Basa
Basa resmi rik say paling lamon tipakay di Bangladesh joda da Bahasa Bengali atawa Bangla,[1] osay Bahasa Indo-Arya say buwasal jak Bahasa Sanskerta. Basa hasa titulis makay aksarana diwik. Bahasa Inggris tipakay sabagay basa keduwa di antara kelas nongah guk unggak[2] rik di pandidikan langgar. Samenjak Kaputusan Presiden tahun 1987, Bahasa Bengali tigunako di kaunyin korespondensi resmi kacuwali korespondensi asing.[2]
Etnis rik Suku
Kalompok etnis mayoritas di nagara Bangladesh joda da Suku Bengali (98% jak populasi).[3] Todana joda da migran Bihari rik kalompok suku asli. Uwat 13 kalompok suku say ngaman di Chittagong Hill Tracts, say paling lamon joda da Suku Chakma. Samenjak lahirna Bangladesh, di kawasan sina risok munih kajadiyan kategangan antar etnis.[4] Kalompok suku paling lamon di luwah Hill Tracts joda da Jolma Santhal rik Garo (Achik). Silaw jak sina uwat munih suku Kaibartta, Meitei, Munda, Oraon, rik Zomi.
Perdagangan Manusia kok jadi masalah di Bangladesh[5] rik imigrasi ilegal jadi panyobab pasalisihan rik Myanmar[6] rik India.[7]
Agama
Ruwa agama utama di Bangladesh joda da Islam (91,04%) rik Hindu (7,95%). Aliran Islam say paling lamon tianut joda da aliran Sunni, samantara todana joda da Syi'ah, Ahmadiyyah, atawa Sufi. Mayoritas kalompok Bihari nganut aliran Islam Syi'ah. Kalompok agama barih joda da Buddha (0.61%, kalamonan Theravada), Kristen (0.30%, kalamonan Katolik Roma), rik Animisme (0.12%).
Bangladesh joda da nagara Muslim paling balak ke-4 saradu Indonesia, Pakistan, rik India. Islam joda da agama nagara, tapi agama barih hingan tianut. Perserikatan Bangsa-Bangsa kok ngakuy nagara hasa sabagay nagara Islam say demokratis rik moderat.
Rujukan
References
- ↑ Constitution of Bangladesh Template:Wp/kge/Webarchive, Part I, Article 5.
- ↑ 2.0 2.1 S. M. Mehdi Hasan, Condition of English in Bangladesh: Second Language or Foreign Language Template:Wp/kge/Webarchive. Diakses 17 Juli 2007.
- ↑ "Background Note: Bangladesh" Template:Wp/kge/Webarchive. Diakses 11 Juni 2008.
- ↑ Template:Wp/kge/Cite journal
- ↑ Template:Wp/kge/Cite book
- ↑ AI Index: ASA 16/005/2004, Amnesty International
- ↑ Template:Wp/kge/Cite news[1]