Pakistan (Urdu: اسلامی جمہوریہ پاكستان) joda da salah osay nagara say tipik di Asia Hulu bukabolahan rik nagara India, Afghanistan, rik Lawok Arab. Paija Pakistan sa lokok tigabung rik India samakkung tipocoh jadi Pakistan Topi say ganta jadi nagara Pakistan, rik Pakistan Darak say ganta jadi nagara Bangladesh.[1]
Bandira
|
Lambang
|
Gambar Wilayah
| |
| Samboyan: ایمان، اتحاد، نظم Īmān, Ittiḥād, Naẓm Bahasa Komering: "Iman, Parsatuan, Disiplin" | |
| Lagu Kabangsoan: قومی ترانہ پاکستان Qaumī Tarānah Pākistān Bahasa Komering: "Himne Nasional Pakistan" | |
| Informasi Dasar | |
|---|---|
| Indok Bandar | Islamabad |
| Borak Wilayah | 881.913 km² |
| Basa | Urdu, Inggris |
| Suku Bangsa | Punjabi, Pashtun, Sindhi, Balochi |
| Jumlah Panduduk | 241.499.431 jiwa |
| Agama | Islam 96,5% (Resmi) Hindu 2,1% Kristen 1,3% Barihna 0,1% |
| Pamarintah | Presiden Arif Alvi Pardano Mantori Anwar ul Haq Kakar (samantara) |
| Mata Uang | Rupee Pakistan (PKR) |
| Zona Waktu | UTC+5 |
| Informasi Barihna | |
| Lajur Kamudi | Kiri |
| Kode Talipon | +92 |
| Banua | Asia |
| Kode Internet | .pk پاكستان. |
Baruyut Kata
Golar Pakistan buhorti tanoh say murni dilom Bahasa Urdu atawa Bahasa Persia. Golar hasa munih joda da osay singkatan jak golar-golar etnis utama say uwat di Pakistan joda da: Punjab, Afghan, KashmIr, Sindh, rik BaluchisTAN[2].
Etnis rik Suku
Populasi Pakistan didominasi opak kalompok etnik joda da Punjab, Pashtun, Sindh, dan Balochi. Suku bangsa paling balak di Pakistan joda da Punjab rik jumlah 78 juta jiwa (45%). Pashtun joda da kalompok etnik paling balak keduwa rik jumlah 29.3 juta jiwa (15.42%). Sindh mbontuk populasi 24.8 juta jiwa (14.1%). Ngajadikona kalompok etnik paling balak ketigo di Pakistan. Samantara Balochi ticatat bujumlah 6,3 juta (3,57%). Tiyan ngaman di Provinsi Balochistan. Disan munih uwat suku Hazara, Kalash, Burusho, Balti, rik Gilgit.
Agama
Mayoritas panduduk Pakistan buagama Islam rik persentase 97% jak jumlah panduduk. sabagiyan balak jak tiyan bualiran Sunni sodongko todana pangikut Syi'ah rik Ahmadiyyah. Pakistan munih nagara rik panduduk Muslim paling balak keduo di dunia saradu Indonesia. Agama barih say uwat di Pakistan joda da Kristen, Hindu, Buddha, Jainisme, Zoroastrianisme, rik Baha'i.
Rujukan
- ↑ Yasmeen (2007), p.3.
- ↑ ? lokok aktif