Wp/kge/Islam

Islam الإسلام Al-Islam
Gambar
Tuhan	Allah/اللّٰه
Panogak	Nabi Muhammad SAW
Panggolongan	Abrahamik
Teologi	Monoteisme
Jenis	Agama Universal
Pok Suci	Mokkah Madinah Baitul Maqdis
Pok Ibadah	Masigid
Umat	1,9 Miliar jiwa
Sistem Panulisan	Huruf Hijaiyah
Status	Agama paling lamon panganut ka-2 di dunia
Kitab Suci	Al-Qur'an
Pocohan	Bábísme, Baháʼí, Druze
Bahasa	Arab Qur'an
Sistem Mianak	Yahudi, Kristen

Artikel sa tentang agama Islam

5 Rukun Islam

Syahadat – Sambahyang – Zakat – Puasa – Haji

Pok Suci

Mokkah – Madinah – Baitul Maqdis

Tokoh

Hazrat Muhammad SAW – Abu Bakar – Ali bin Abi Thalib Usman bin Affan – Umar bin Khattab

Harani Yaya

Tahun Baru Hijriah – Takwim Hijriyah Yaya Puasa

Yaya Qurban – Asyura

Bangunan

Masigid – Manara

Mihrab – Ka'bah

Pemuka Agama

Imam – Muazin – Mullah – Mufti

Qur'an rik Sumber Kaagamaan barihna

Al-Qur'an – Hadits – Sunnah

Fiqih – Fatwa – Syariat

Madzhab Sunni

Madzhab Islam Sunni: Hanafi, Hambali, Maliki, Syafi'i

Madzhab Syi'ah rik Aliran Barihna

12 Imam, Ismailiyah, Zaidiyah

Mu'tazilah – Khawarij

Barihna

Tasawuf

Wahabi – Salafi

Islam Kejawen

Ahmadiyah

Islam (Bahasa Arab: الإسلام^ⓘ) joda da agama monoteisme Abrahamik say disobarko bak Nabi Muhammad SAW nabi tarakhir dilom ajaran Islam di Jazirah Arab. Islam joda da agama say paling lamon kona anut karuwa di dunia sa saradu agama Kristen.

Lima Rukun Islam

1. Mbaca Rua Kalimat Syahadat

Rukun partamo dilom agama Islam joda da mbaca Rua Kalimat Syahadat. Bunyi Rua Kalimat Syahadat joda da:

أَشْهَدُ أَنْ لَا إِلَٰهَ إِلَّا ٱللَّٰهُ وَأَشْهَدُ أَنَّ مُحَمَّدًا رَسُولُ ٱللَّٰه‎

Ašhadu ʾalā ʾilāha ʾilla -llāhu, wa-ʾašhadu ʾanna Muḥammadan rasūlu -llāh

• Horti

Nyak busaksi makka Tuhan silaw jak Allah, rik Nyak busaksi nabi Muhammad joda da rosul (utusan) Allah

.

2. Sambahyang Lima Waktu

Rukun say keduwa joda da Sambahyang Lima Waktu say wajib tigawiko, kecuali uwat halangan, bakdu amal say paling partamo kona hisab nonti joda da Sambahyang. Kaunyin rakaatna man tigabungko jadi 17 rakaat. Kalima waktu sina joda da:

Waktu	Jumlah Rakaat	Katerangan
Subuh	2	Tigawiko di subuh harani timula'i jak timbulna Fajar Sadik sampai samakkung matahari minjak (Syuruk)
Buhur	4	Tigawiko ditongah-tongah harani, timula'i jak matahari kok tigiring guk topi sampai di waktu Ashar.
Ashar	4	Tigawiko saradu Buhur sampai samakkung matahari tanggolom, nurut Madzhab Syafi'i, Maliki, rik Hambali waktu Ashar sa timula'i mon tijang halinu barang kok ngaliyu'i tijang barang sina diwik. Sodongko Madzhab Hanafi monah tijang halinu kok ruwa kali ngaliyu'i tijang barang sina diwik.
Maghorib	3	Tigawiko ponah Mataharani tanggolom sampai Syafak radu.
Isya	4	Tigawiko saradu Maghorib say titandai lobonna cahaya siyaw Syafak di langik, sampai Subuh ratong.

3. Puasa di bulan Puasa (Ramadhan)

Rukun Islam say ketigo joda da nggawiko ibadah puasa sabulan ponuh di bulan Ramadhan, buakhirna puasa titandai rik 1 Syawal say tisobut Harani Yaya Puasa, di tanggal 1 Syawal sa tiharamko untuk bupuasa. Puasa sa tigawiko jak subuh laju guk magorib, say dipa satijang harani sina porlu nahan hawa nafsu, mak dapok mongan, nginum, angot, atawa bukiyuk say sipa aman tigawiko sacara titomot bakal ngabatalko puasa ho diwik.

4. Zakat Fitrah (Fatorah)

Rukun Islam say ke-empat joda da nggawiko zakat fatorah untuk jolma say mak mampu rik saro di ujung bulan puasa samakkung Harani Yaya Puasa.

5. Cakak Haji bagi sai Mampu (Bukacukupan)

Rik rukun say tarakhir joda da ngalaksanako ibadah Haji bagi say mampu (gonok horto rik badan sihat).

Nom Rukun Iman

1. Iman guk Allah

Buiman guk Allah rik ngakui kaesaan-Na, parcaya bahwa Allah joda da tuhan jak sagonop alam.

2. Iman guk Malaikat Allah

Iman guk malaikat-malaikat Allah joda da rukun iman karuwa, malaikat sa lamon jumlahna, tapi bih say wajib kita kapanday bih 10 bugahan.

Nomor	Golar	Tugas
1	Jibril	Nunggukko Wahyu guk nabi rik rasul
2	Mikail	Ngatur rajoki
3	Israfil	Nyobu tarumpit sangkakala
4	Izrail	Nyabut nyawa
5	Raqib	Nyatat amal say holau
6	Atid	Nyatat amal say jahat
7	Munkar	Nanyai manusia dilom kubur
8	Nakir	Nanyai manusia dilom kubur
9	Malik	Njago rawang naraka
10	Ridwan	Njago rawang surga

3. Iman guk Kitab Allah

Dilom Islam uwat 4 kitab suci say titurunko guk nabi rik rasul.

No	Golar	Nabi say narima	Basa
1	Taurat	Musa	Ibrani
2	Zabur	Daud	Qibti
3	Injil	Isa	Suryani
4	Al-Qur'an	Muhammad	Arab

4. Iman guk Rasul Allah

Dilom Islam uwat lamon nabi rik rosul, tapi say wajib tikapanday bih uwat salawi (25) bugahan.

5. Iman guk Harani Kiamat

Buiman di Harani Kiamat say bakal tijadi di jomoh harani, kaunyin makhluk makkung ka say panday kapan harani sina ho ratong kacuali Allah, tapi bih dinjuk-Na tanda-tanda na bugahan, rik say congki kiamat ho ratongna di harani Juma'at. Rik parcaya radu kiamat ho lokok uwat kahidupan say abadi joda da kahidupan di Alam Akhirat.

6. Iman guk Qada rik Qadar

Qada joda da katotapan Allah jak samakkung alam samesta sa uwat (zaman azali), sodongko Qadar joda da parwujudan qada say tisobut takdir.

Liyak Munih

• Aliran Dilom Agama Islam
• Agama Abrahamik
• Islam Syi'ah
• Rukun Islam
• Rukun Iman

Sarambah

"Ketika Nabi shallallahu ‘alaihi wa sallam datang ke Madinah, penduduk Madinah memiliki dua hari raya untuk bersenang-senang dan bermain-main pada masa jahiliyah. Maka ia berkata, “Aku datang kepada kalian dan kalian mempunyai dua hari raya pada masa Jahiliyah yang kalian isi dengan bermain-main. Allah telah mengganti keduanya dengan yang lebih baik bagi kalian, yaitu hari raya Idul Fithri dan Idul Adha (hari Nahr)“

(HR. An Nasay no. 1556 dan Ahmad 3: 178, sanadnya shahih sasuai syarat Bukhari-Muslim say sanipa nurut Syu'aib al-Arnauth, Muhammad Nashiruddin al-Albani, rik sajumlah pakar hadis).