Masunga intunhu weNorth- East yehango yeButswana kunogala Bakalanga. Nzi wemasunga ndiwho unkulu muntunhu weNorth East District. Doropo lipedlo pedlo ndenzi iwhoyu loyi Francistown, li 120 km (75 mi) kule ndeMasunga. He wentunhu iwhoyu unoyi Kgosi Thabo Maruje Masunga III, wakatola buhe kunabasekulu babe bakabeyi Christopher Masunga.
Pedlo ndentunhu weMasunga kunamatombo eDomboshaba, kowhangwa matongo ebuhe gwebanhu baka begalo ko Kalanga Empire, anondidzana ndenzi mabhgwe weku Great Zimbabwe (Mutapa). Ntha iyeyi inondigwa ndebanhu banobva kule kudzimwe hango bewhobona kuti BaKalanga ayetjila tjini kuBotswana, kakale mokole whose kotiwa nzano wemilentje webanhu beBuKalanga.
Lulimi gunolebhgwa muntunhu we North East tjiKalanga, akuna tjiTswana sekudzimwe ntha dze Botswana. TjiKalanga tjodzina ndelulimi gwetjiShona, lulimi gunolebhgwa kwazo kuZimbabwe. Koga akutobva kuti mabvilo abo ndebe Zimbabwe