Bakalanga, banhu beludzi gunowanika muhango yeZimbabwe neyeBotswana. MuZimbabwe bagele kuBurwa- Mahwahhuba (South West), mudunhu leMatebeleland betebelela nghanhu weBotswana. KuBotswana baKalanga bagele kuBunazwa-Bhehhuba (North East) betjekelana nenghanhu we Zimbabwe. Bamwe baKalanga banowanika kuntunhu weLimpopo kuhango ye South Africa (Africa Burwa) . Mumabvilo abo banozwalana nde BaNambya, BaLozwi, BaKaranga, BaVenda, BaLobedu, BaPfumbi. BaKalanga banozibgwa kwazo nemizi-mabgwe yaboMambo babo bahhulo. Abematongo nasi, anowanika muhango idzedzi nhatu.
