Masjid Agung Al-Falah atau masjid 1000 tiang adolah masjid paling besak yang ado di Jambi, Indonesia. Masjid ko dikenal sebagai masjid 1000 tiang karano indak ado pintu, jendelo, atau dinding kayak yang ado di masjid lain.[1]
Sejarah edit
Masjid Agung Al-Falah berado di Jalan Sultan Thaha, Legok, Telanaipura, Kota Jambi. Masjid paling besak di Jambi ini berdiri pado lahan dengan luas sekitar 2,7 hektar dan luas bangunannyo 6.400 meter persegi.[2]
Masjid iko dibangun pado tahun 1971 sampe 1980 dan dana yang abes untuk masjid ko lebih dari Rp 743 juta. Peresmiannyo dihadiri langsung samo Presiden Soeharto tanggal 29 September 1980 dan diketahui kalau masjid besak sikok iko biso untuk 10.000 jamah.[2]
Pembangunan masjid tanpa pintu iko indak lepas dari Kerajaan Melayu Jambi yang mano waktu itu tempat tersebut adolah Kerajaan Melayu Jambi. Kerajaannyo disebut dengan Istana Tanah Pilih dari Sultan Thaha Syaifudin.[1][2] Dulu tanah masjid iko pernah dirampas samo Belando, tapi karano pergerakan rakyat Jambi melawan Belando, akhirnyo tanah iko kembali ke masyarakat Jambi. Diketahui bahwa ide pembangunan Masjid Agung Al-Falah ko awalnyo pado tahun 1960-an oleh salah sikok tokoh agamo di Jambi. Tapi sayangnyo, ide itu baru direalisasikan pado 1971. Orang yang membangun masjid adolah profesor ternamo dari Institut Tekhnologi Bandung (ITB) yang benamo Profesor Ruseno. Diketahui kalau masjid 1000 tiang ko adolah masjid petamo yang pakek konstruksi cakar ayam.[2]
Arsitektur edit
Ciri khas dari masjid ko adolah banyaknyo tiang dan dak ado jendelo, pintu, atau dinding. Julukannyo masjid 1.000 tiang sebenarnya bukan berarti kalo tiang yang ado berjumlah 1.000. Namun julukan itu untuk menyatakan kalau masjid iko punyo banyak tiang.
Ado sekitar 232 tiang di masjid Al-Falah, dan itu dak semuonyo samo karno bagian dalam dan luarnyo beda. Tiang di bagian luar ukurannyo lebih kecik daripado bagian dalam. Tiang di luar iko bewarno putih dan totalnyo ado 192 tiang. Tujuan adonyo tiang yang di luar iko untuk menyangga bangunan masjid dari bagian luar.Sedangkan di bagian dalamnyo ado sekitar 40 tiang yang lebih besak dan dilapisi samo tembaga. Tiang di dalam masjid iko ditujukan untuk penyangga kubah besak yang ado di atas.[1][2]
Di bagian mihrab masjid ado kaligrafi yang tebuat dari kuningan samo tembaga untuk jadi hiasannyo. Bagian kanan mihrab itu bertuliskan asma Allah SWT, sedangkan pado bagian kirinyo bertuliskan kaligrafi Nabi Muhammad SAW dan jugo empat sahabat nabi yaitu Abu Bakar Sidik, Umar bin Khattab, Usman bin Affan, samo Ali bin Abi Thalib.[2]