Indonesia dengan namo resminyo Negara Kesatuan Republik Indonesia (NKRI), adolah sebuah negara yang teletak di 5° 54′ 08″ bujur utara hingga 11° 08′ 20″ bujur selatan dan 95°00’38“ sampai 141°01’12“ bujur timur. Indonesia merupokan negara kepulauan yang paling besak di dunia dan mempunyoi sekitar 17.000 pulau dengan 7.000 pulau diantaranyo berpenghuni. Pulau-pulau tersebut berada di garis ekuator sehinggo menjadikan pembagian waktu siang dan malamnyo hampir samo yaitu 12 jam. Dari geografi yang luas, wilayah di Indonesia terbagi menjadi 3 zona waktu yaitu Waktu Indonesia Barat (WIB), Waktu Indonesia Tengah (WITA), Waktu Indonesia Timur (WIT) dengan perbedaan waktu dari setiap pulaunyo adolah 8 jam.[1]
Geografis
editLetak geografis Indonesia adolah teletak di duo samudera yaitu Samudera Pasifik dan Samudera Hindia serta duo benua yaitu Benua Asia dan Benua Australia.[2]
- Bagian barat: berbatasan samo Samudera Hindia
- Bagian timor: berbatasan samo Negaro Papua Nugini, Timor Leste dan jugo Samudera Pasifik
- Bagian tenggara: berbatasan samo Benua Australia
- Bagian barat laot: berbatasan samo Benua Asia
- Bagian utara: berbatasan samo Negaro Malaysia, Singapur, Filipina, dan jugo Laut Tiongkok Selatan
Indonesia mempunyoi lebih dari 17.000 pulau tapi cuman sekitar 7.000 pulau yang ado penghuninyo. Pulau-pulau besak di Indonesia adolah Sumatra, Jawa, Kalimantan, Sulawesi dan jugo Papua. Sedangkan untuk Bali, Karimunjawa, Gili, dan jugo Lombok adolah pulau kecik tapi merupokan tempat wisata bagi orang Indonesia dewek atau orang luar. Ibu kota Indonesia adolah Jakarta yang ado di Pulau Jawo.[1]
Bagian yang paling tinggi dari Indonesia adolah Puncak Jaya dengan tingginyo 4.884 mdpl yang ado di Papua.[3] Sungai yang paling panjang di Indonesia adolah Sungai Kapuas yang berado di Kalimantan Barat.[4] Sedangkan danau yang paling luas adolah Danau Toba yang ado di Sumatra Utara, bahkan danau iko merupokan danau kaldera yang paling besak di dunia.[5]
Daftar Pustaka
edit- ↑ 1.0 1.1 Konsultan Jenderal Republik Indonesia Generalkonsulat Der Republik Indonesia Frankfurt. Sekilas Tentang Budaya Indonesia. Diakses pada 24 Juni 2022.
- ↑ Nadia Faradiba (24 Juni 2022). "Letak Geografis Indonesia dan Pengaruhnya". kompas.com. Diakses pada 22 April 2022.
- ↑ Papua Web. The Equatorial Glaciers of New Guinea. Diakses pada 24 Juni 2022.
- ↑ Pemerintah Provinsi Kalimantan Barat. Geografis. Diakses pada 24 Juni 2022.
- ↑ Dinas Kebudayaan & Pariwisata Provinsi Sumatera Barat. Danau Toba. Diakses pada 24 Juni 2022.