Wp/isv/Vseslovjanske kolory

Vseslovjanske kolory (modry, běly i črveny) — kolory upotrěbjajeme na zastavah šesti iz trinadseti slovjanskyh držav. One simbolizujut obče proizhodženje slovjanskyh narodov. Prvonačelno trikolor Rosijskoj imperije, vseslovjanske kolory byli pozajete i od drugyh slovjanskyh držav v tečenju panslavizma prěz XIX stolětje v Evropě. V 1848 vseslovjanska zastava byla odobrjena Slovjanskym kongresom v Pragě kako zastava vsěh slovjan.

Državy, ktore sejčas (samo i izključiteljno) upotrěbjajut te tri vseslovjanske kolory na svojih sovrěmennyh zastavah, sut Rosija, Srbija, Hrvatija, Slovenija, Republika Srbska (čest Bosnije i Hercegoviny), Čehija i Slovakija.

V prošlosti vseslovjanske kolory takože nosili zastavy Čehoslovakije, Jugoslavije, Srbije i Črnoj Gory (prěd razpadom), a takože Črnoj Gory (do 2004).

Kromě togo, že te tri kolory sut znak slovjanov, oni takože upotrěbjajut se v množestu drugyh narodnyh zastav, v tyh slučajah prědstavjajuči svobodu i revolucionne ideje, na priměr zastav Objedinjenogo kraljevstva, SŠA, Niderlandov i Francije.