Wikimedia Incubator

Wp/isv/INSTEAD

< Wp | isv
Wp > isv > INSTEAD

INSTEAD (ang.: IN — INterpreter + STEAD — Simple TExt ADventure) jest programa-interpretator za tekstografične adventurne igry. Jest platform za igry, ktore sut směs vizualnoj novelly i tekstovogo kvesta.[1]

INSTEAD
Obča informacija
AvtorPetr Kosyh
Jezyk programovanjaC - kod engina,
Lua - kod igr
InterfejsSimple DirectMedia Layer
Operacijne sistemyLinux, Windows, MacOS, iOS, Android, FreeBSD, OpenBSD, Haiku
Jezyky interfejsaRussky, ukrajinsky, češsky i dr.
Publikacija
Prvo puščanje20 fevruara 2009
Poslědna versija3.5.1 (1 septembra 2023)
Dodatočna informacija
LicencijaGNU GPL, MIT — izhodny kod,
Creative Commons — komponenty
Repozitorijhttps://github.com/instead-hub/instead
Sajthttps://instead.hugeping.ru/
http://instead-hub.github.io/

Igranje

edit

Osnovno upravjenje vo igrah čini se črěz klaviaturu ili myš, a na smartfonu s pomočju tapov po ekranu. Imaje se možnost uživati gejmpad.[2]

Klasična INSTEAD-igra imaje oblast inventara (horizontalnu ili vertikalnu) i osnovnu oblast sodržanja teksta. V osnovnoj oblasti v tekstu mogut byti linky, pri klikanju na ktore javjaje se někaky opis ili dějanje.

Črěz modul METAPARSER možlivo je vvodženje črěz posylanje komand od klaviatury, prikazov, na ktore je nekaka reakcija.

Črěz modul Proxymenu možliva je igra črěz izbor objektov jedino po stavjenym reakcijam (vzeti, idti, lizati).

Historija

edit

Prva publična versija INSTEAD 0.7.4 byla publikovana za operacijnu sistemu Linux 20 fevruara 2009 roka.[3]

22 fevruara 2010 roka javil se modul, ktory dozvolil puščati URQ-igry od versije INSTEAD 1.1.3.

Vo 2011 roku igra "Osobnjak", avtor ktoroj je Petr Kosyh, dobyla Nagradu za dosegnenja vo interaktivnoj literaturě, kniževnosti, na russkom jezyku "Zolotoj Homjak" (Zlaty hrček, homjak) vo nominacije "Lučšie zagadki" (Lěpše zagadky).[4]

Po stanju 31 julija 2012 roka jedino v oficialnom repozitoriju INSTEAD sut bolje polusto igr.

Po stanju 17 julija 2018 roka razděl vo "oficialny" i "neoficialny" repozitorij igr byl oproščeny. Jestvuje jedin repozitorij igr.[5]

8 marca 2019 roka puščeny byl INSTEAD 3.3.0 ktory mogl byti dodany kako bot za VK, Telegram i Discord.[6]

31 avgusta 2021 roka byl puščeny INSTEAD 3.4.0 ktory dobyl podporu, poddržku adaptovanyh tem (izgledov).[7]

27 avgusta 2022 roka byl puščeny INSTEAD 3.5.0 ktory prěšel do SDL 2.0 (podpora SDL 1.0 prěstana), dobyl dokumentaciju za včlenjenje vo svoje projekty, izčrknuty byl kod za S60, MAEMO i WinCE.[8]

Osoblivosti, črty

edit
  • Igry pišemy jezykom Lua, za ktory dostatno bazovyh znanjev. Je dokumentacija na russkom i anglijskom jezyku.[9]
  • Imaje možnost puščati URQ-igry.[10]
  • Imaje možnost dodavati moduly (o stvorjenje modulov pisano v dokumentacije).[11]
  • Imaje možnost puščati kvesty iz igr Kosmične rejndžery i Kosmične rejndžery 2: Dominatory, takože ine kvesty, ktore sut pisany s pomočju redaktora TGE za КР i КР2.[12]
  • Imaje CLI (terminalnu) versiju za puščanje vo terminalu za razrabotnikov (programistov).[13]
  • Imaje minimalističnu versiju engina RE:Instead, koja naznačena za parserne igry i imaje poddržku, kromě drugyh platform, na Plan9.[14]
  • Takože se imaje versija za slabogledajučih ljudij - PlainStead.[15]

Kromě togo sut igry, ktore ne sur cělo tekstove, napriklad "Pasians Instead",[16] "Code-10" (taktična igra),[17] "Lode Runner" (platformer),[18] "Miner Bold",[19] "Escape of the cat".[20]

Puščenje igr

edit

Puščati mnoge igry je možno on-lajn ili dostati arhiv igry i puščati s pomočju INSTEAD. Kromě togo, možno je staviti/puščati igry s pomočju launčera Insteadman.[21]

Ekranove snimky

edit

Takože podgledajte

edit

Iztočniky

edit
  1. ↑ "YouTube - INSTEAD - Svobodnaja interaktivnaja literatura #1".
  2. ↑ "INSTEAD reliz 3.5.1, koj imaje možnost koristati gejmpady". Bylo arhivovano iz iztočnika 2 septembra 2023.
  3. ↑ "Novina o puščanje prvoj publičnoj versije INSTEAD". linux.org.ru. Bylo arhivovano iz iztočnika 4 mareca 2016. Data dostupa: 22 dekembra 2022.
  4. ↑ "Zolotoj Homjak 2011". zh.ifiction.ru. Bylo arhivovano iz iztočnika 31 maja 2016. Data dostupa: 15 aprilja 2015.
  5. ↑ "Репозиториj игр INSTEAD".
  6. ↑ "INSTEAD 3.3.0". instead.hugeping.ru. Bylo arhivovano iz iztočnika 19 maja 2019. Data dostupa: 30 dekembra 2022.
  7. ↑ "INSTEAD 3.4.0". instead.hugeping.ru. Bylo arhivovano iz iztočnika 4 avgusta 2022. Data dostupa: 30 dekembra 2022.
  8. ↑ "INSTEAD 3.5.0". instead.hugeping.ru. Bylo arhivovano iz iztočnika 30 dekembra 2022. Data dostupa: 30 dekembra 2022.
  9. ↑ "Github - dokumentacije russkym i anglijskym jezykom".
  10. ↑ "URQ-modul za možnost igrati URQ-igry". Bylo arhivovano iz iztočnika 19 aprilja 2017.
  11. ↑ "Oficialne moduly za stead3".
  12. ↑ "Kosmične rejndžery v INSTEAD".
  13. ↑ "GitHub repozitorij na INSTEAD-cli".
  14. ↑ "GitHub repozitorij na reinstead".
  15. ↑ "GitHub repozitorij PlainStead, koj naznačeny za slabogledajučih ljudij".
  16. ↑ "Pasians Instead".
  17. ↑ "Code-10 - taktična igra".
  18. ↑ "Lode Runner na Instead".
  19. ↑ "Miner Bold na Instead".
  20. ↑ "Escape of the cat - 2D arkada na Instead".
  21. ↑ "Kak skačatj i zapustitj igru". instead-hub.github.io. Bylo arhivovano iz iztočnika 6 junija 2018. Data dostupa: 23 junija 2018.

Vněšnje linky

edit

Retrieved from "https://incubator.wikimedia.org/w/index.php?title=Wp/isv/INSTEAD&oldid=6447736"