Wp/isv/Želězo

Želězo (hemičny simbol — Fe, od lat. Ferrum) — element 8. grupy 4. perioda periodičnoj sistemy hemičnyh elementov, imajuči atomny nomer 26.

Prosta substancija želězo je kujemy prěhodny metal srěbristo-běloj barvy s vysokoju hemičnoju reakcijnoju sposobnostju. Želězo brzo koroduje na vozduhu pri vysokyh temperaturah ili vysokoj vlažnosti. Želězo gori v čistom kyslorodu, a v mělkodispersnoj kondiciji samozažigaje se na vozduhu.

Etimologija

Medžuslovjansko slovo «želězo» vozhodi k praslovjanskomu *želězo (rus.: железо, běl.: жалеза, ukr.: залізо, crkovnoslov.: желѣзо, bulg.: желязо, srbohrv.: жељезо, pol.: żelazo, češ.: železo, sloven.: železo), ktoro imaje jasne referencije v baltijskyh jezykah (lit.: geležis, lat.: dzelzs).

Fizične svojstva

Želězo je tipičnym metalom, v svobodnoj kondiciji imaje srěbristo-bělu barvu s sivym odtěnkom. Čisto želězo je plastično, a različne doměšky, osoblivo vuglerod, povyšajut jego tvrdost i krěhkost.

Vnešnje linky

• Tutoj članok imaje prěvod iz članka «Железо» v Vikipediji na russkom (spis avtorov; dozvoljeńje CC BY-SA 4.0).