Sarawak Energy Berhad nya siti kompeni utiliti elektrik enggi negeri Sarawak. Iya siti ari tiga bengkah kompeni elektrik ba Malaysia, dua buah agi iya nya Tenaga Nasional meri servis ngagai Semenanjung Malaysia, enggau Sabah Electricity ti meri servis ngagai negeri Sabah enggau kandang menua Labuan.
 | |
| Bansa kompeni | Private Limited Company |
|---|---|
| Industry | Electrical power |
| Ditumbuhka | 1921 Kuching, Kingdom of Sarawak (Now Sarawak, Federation Of Malaysia) |
| Indu Opis | The Isthmus Off Jalan Keruing 93050, , Malaysia |
Key people | Datu Haji Sharbini Suhaili (CEO)[1] |
| Products | Electricity generation, transmission and distribution |
| Pengempu | Government of Sarawak |
| Laman web | www |
Torstein Bale Sjotveit sida Kepala Pemesai Sarawak Energy Berhad (SEB).[2]
Sejarah
Ba taun 1921, siti Seksyen Elektrik dalam Opis Kereja Raya ditumbuhka dikena ngintu bekal elektrik mensia mayuh.[3] Maya taun 1932, "Kompeni Bekal Elektrik Sarawak" ditumbuhka Administrasyen Brooke dikena mekalka elektrik ngagai mensia mayuh dalam kandang menua Sarawak.[3]
Kompeni Elektrik Sarawak udah direrak dalam taun 1962, nitihka Ordinan Penubuh Bekal Elektrik Sarawak 1962, lalu udah nya ditumbuhka nyadi siti Korporasyen, ti dikelala enggau nama Korporasyen Bekal Elektrik Sarawak (SESCO)[3] (Jaku Inggeris: Sarawak Electricity Supply Corporation). Dalam jaku Melayu, kompeni tu dikelala enggau nama Perbadanan Pembekalan Letrik Sarawak, lalu diubah nyadi Perbadanan Pembekalan Elektrik Sarawak tauka PPLS. Dalam taun 1996, Perbadanan Enterprise Sarawak Berhad udah meli lebih 45% kunsi Perbadanan nya ari Perintah Sarawak.
Maya taun 2005, SESCO udah diprivatisasi lalu dikelala enggau nama Syarikat SESCO Berhad,[4] lalu dibeli Sarawak Energy Berhad.
Sarawak berengkah ngeksport kuasa karan ari Sarawak ngagai Kalimantan Barat, Indonesia dalam bulan Januari 2016 nengah sambung entara 275kV ti dipejalaika Sarawak Energy.[5] Projek tu nyadi projek dagang kuasa elektrik keterubah ti mujur ungkup Malaysia.[6]
Kapasiti Pemansut
Sarawak Energy ngasilka kuasa karan ari dua bengkah loji besai; loji hidroelektrik (HEP) enggau loji terma.[7] Nengah penyampau kapasiti 5,203 MW ke udah dipasang, nengeri besai ba Sarawak disambung nengah Grid Transmisyen Negeri 275/132kV.
Loji kuasa hidroelektrik
- Tekat Ai Bakun - 2,400MW[8]
- Tekat Ai Batang Ai - 108MW
- Tekat Ai Murum - 944MW
Loji kuasa terma
- Stesyen Kuasa Miri, Miri - 99 MW, Turbin Gis Kitar Tebuka
- Stesyen Kuasa Bintulu, Bintulu - 330 MW, Loji Kuasa Kitar Gabung
- Stesyen Kuasa Tg Kidurong, Bintulu - 192 MW, Turbin Gis Kitar Tebuka
- Stesyen Kuasa Sejingkat, Kuching - 210 MW, Stesyen Kuasa Arang Batu (Fasa II)
- Stesyen Kuasa Mukah, Mukah - 2 x 135 MW, Stesyen Kuasa Arang Batu
- Stesyen Kuasa Arang Batu Balingian, Balingian - 624MW[8]
Penerang
- ↑ "Digitalising Sarawak Energy" (PDF). www.sarawakenergy.com/. 2021. Diambi 21 April 2024.
- ↑ Raban SESCO semampai ngemeranka pengelikun pengereja pengawa sida Dikeluarka The Borneo Post ba 6 Julai 2010. Diarkib maya 3 Jun 2021
- ↑ 3.0 3.1 3.2 Muzaffar, Tate (1999). The power behind the state (First ed.). Kuching, Sarawak: Sarawak Electricity Supply Corporation. pp. 49, 70, 246. ISBN 983-99360-1-8.
- ↑ About Us - BRIEF HISTORY Sarawak Sesco Berhad Blogspot. March 2009. Diambi maya 9 Julai 2024.
- ↑ "Malaysia begins exporting electricity to Indonesia" Free Malaysia Today. 13 Mei 2016
- ↑ Ongkili: Malaysia’s power trading moves a step forward The Borneo Post. 12 Mei 2016
- ↑ "Generation Portfolio" Sarawak Energy. Diarkib ari asal kena 24 November 2013. Diambi kena 9 Julai 2024.
- ↑ 8.0 8.1 "Sarawak not ready to 'export' hydropower to peninsula" Malaysiakini. 26 October 2015.