Nengeri Bintulu nya siti ari nengeri ba menua Sarawak, ti nyadi indu bagi menua Bintulu. Penyauh Bintulu 610 kilometer ari Kuching, 216 kilometer ari Sibu, enggau 200 kilometer ari Miri. Pemesai Bintulu nyengkaum 7,220.4 km2. Pemayuh orang ti diau ba nengeri Bintulu nyampau 114,058 maya taun 2010. Pemansang nengeri tu ketegal asil gas asli ba pantai Sarawak enda jauh ari menua tu.
Nitihka cherita rayat menua tu, nama Bintulu diambi ari ‘metuk ulau’ dalam jaku Melanau Bintulu ti mai reti 'ngambi pala ti udah dibuai ba sungai'. Maya penuduk Rajah James Brooke maya taun 1861, Bintulu suba kampung bala nelayan ti tebilang enggau asil tasik baka undang, cencaluk enggau belacan. Setaun udah nya, maya taun 1862, Brooke udah ngaga siti kuta.