Wp/iba/Kalimantan

< Wp‎ | iba
(Redirected from Wp/iba/Borneo)
Wp > iba > Kalimantan

Kalimantan (Jaku Inggeris: Borneo) ia nya pulau ti ketiga pemadu besai ba dunya sereta pulau ti pemadu besai ba Asia. Pulau tu dikelingi Selat Karimata, Laut Jawa, Selat Makassar, enggau Selat Suluk. Pulau Kalimantan dibagi ngagai tiga begian ia nya menua Malaysia (Sabah enggau Sarawak), menua Indonesia ba begian Kalimantan enggau menua Brunei.[1]

Kira-kira 73% ari pulau tu ia nya begian menua Indonesia. Ba utara, nengeri Malaysia Timur ia nya Sabah enggau Sarawak ngambi 26% pulau tu. Kelebih nya, ia nya 1% ari tanah Kalimantan dikembuan menua Brunei. Penyampau orang ba Borneo ia nya 23,720,000.[2][3] Kalimantan mega ngembuan utan ujan ti pemadu tuai ba dunya.

Etimologi edit

Pulau tu dikelala enggau mayuh macham nama. Ba renggat antarabangsa, pulau tu dikumbai Borneo, diambi ari nama menua Brunei maya orang Eropah nemu menua nya ba urung kurun ke-16 maya Jemah Pematau. Ba kar ari taun 1601, nengeri Brunei dikumbai sida enggau nama Borneo, alu sereta pulau nya dilabel enggau nama Borneo.[4] Nama Brunei engka diambi ari jaku Sanskrit váruṇa (वरुण), ti mai reti "ai" tauka diambi ari nama Varuna, tuhan ujan dalam pengarap Hindu.[5]

Orang ba Indonesia ngumbai pulau tu enggau nama Kalimantan[6], ti diambi ari jaku Sanskrit Kalamanthana, ti mai reti "mua ari ti nunu" ti dipelaba deka nerangka mua hari tropikal ba pulau tu ti angat enggau embap[7]. Raban sejarah Indonesia, Slamet Muljana nyadangka nama Kalamanthana diambi ari jaku Sanskrit kala (awak tauka musin) enggau manthana (ngaga api ari gisir), ti dipelaba nerangka pengangat gaya hari ba pulau tu.

Penerang edit

  1. Donna Marchetti (2 Ogos 1998) "Borneo's Wild Side" The New York Times. Diambi maya 20 Jun 2017.
  2. Malaysia: Federal States, Territories, Districts, Major Cities, Urban Aras & Conurbations - Statistics & Maps on City Population Citypopulation.de (2013-05-20). Diambi maya 21 Oktober 2022
  3. Sugianto, Danang "Sensus Penduduk 2020 Selesai, Begini Sebaran Masyarakat RI Terbaru" finance.detik.com. Diambi maya 21 Oktober 2022.
  4. "Kaart van het eiland Borneo, 1601, Benjamin Wright" Diambi maya 21 Oktober 2022.
  5. Media, Kompas Cyber (13 Disember 2018). "Hari Nusantara, Kenali Nama Lawas 5 Pulau Besar di Indonesia" KOMPAS.com (dalam jaku Indonesia). Diambi maya 21 Oktober 2022.
  6. "Kalimantan" Encyclopaedia Britannica. Britannica. Diambi maya 21 Oktober 2022.
  7. Eugene Linden The Ragged Edge of the World: Encounters at the Frontier Where Modernity, Wildlands and Indigenous Peoples Meet